୪ ଲୋକସଭା ଓ ୧୦ ବିଧାନସଭା ଉପନିର୍ବାଚନ ପାଇଁ ଆଜି ମତଗଣନା ! ଫୋକସରେ ବିଜେପି ବନାମ ବିରୋଧୀ ମେଂଟ
କନକ ବ୍ୟୁରୋ : ବିଜେପି ବନାମ ବିରୋଧୀ । ଆଜି ୪ଟି ଲୋକସଭା ଓ ୧୦ଟି ବିଧାନସଭା ଆସନରେ ଉପନିର୍ବାଚନ ଲାଗି ଭୋଟଗଣତି ଆରମ୍ଭ ହୋଇଛି । ଉତ୍ତର ପ୍ରଦେଶର କୈରାନା, ମହାରାଷ୍ଟ୍ରର ଭଣ୍ଡାରା ଏବଂ ପାଲଘର ସହିତ ନାଗାଲାଣ୍ଡରେ ଗତ ମେ ୨୮ ତାରିଖରେ ଭୋଟ ଗ୍ରହଣ ହୋଇଥିଲା । ଉତ୍ତରପ୍ରଦେଶର କୈରାନା ଆସନ ବିଜେପି ପାଇଁ ସମ୍ମାନର ପ୍ରଶ୍ନ । କାରଣ ପୂର୍ବରୁ ଦୁଇଟି ଲୋକସଭା ଉପନିର୍ବାଚନ ହାରିଥିବା ଭାରତୀୟ ଜନତା ପାର୍ଟି ଏଥର ସେହି ପରାଜୟର ଧାରା ଜାରି ରଖୁଛି ନା ବିରୋଧୀ ଗୋଷ୍ଠୀଙ୍କୁ ହାଟ୍ରିକ କରିବାରୁ ରୋକି ପାରୁଛି ତା ଉପରେ ନଜର ରହିଛି । କୈରାନାରେ ଲଢେଇ ହେଉଛି ବିଜେପି ଏବଂ ବିରୋଧୀ ମେଂଟ ମଧ୍ୟରେ ।
Kanak News is now on WhatsApp
Join and get latest news updates delivered to you via WhatsApp
ବିଜେପି ସାଂସଦ ହୁକୁମ ସିଂହଙ୍କ ଦେହାନ୍ତ ପରେ ଉପନିର୍ବାଚନ ହେଉଥିବା ଏହି ଆସନରେ ବିଜେପି ଟିକେଟରେ ଲଢୁଛନ୍ତି ତାଙ୍କ ଝିଅ ମ୍ରିଗଙ୍କା ସିଂହ । ଗୋରଖପୁର ଓ ଫୁଲପୁର ଆସନରେ ଏସପି-ବିଏସପି ମିଳିତ ଭାବେ ଲଢି ବିଜେପିର ବିଜୟରେ ରୋକ ଲଗାଇବାକୁ ସକ୍ଷମ ହୋଇଥିଲେ । ଆଉ କର୍ଣ୍ଣାଟକରେ କଂଗ୍ରେସ ନେତୃତ୍ୱରେ ଅଣବିଜେପି ଗୋଷ୍ଠୀ ଏକାଠି ହେବା ପରେ କୈରାନାରେ ପରୀକ୍ଷା ଦେବାକୁ ଯାଉଛି ଭାରତୀୟ ଜନତା ପାର୍ଟି । ସେହିଭଳି ମହାରଳଷ୍ଟ୍ରର ଦୁଇଟି ଲୋକସଭା ଆସନରେ ବି ଆଜି ଭୋଟଗଣତି ହେବ । ଏଠାରେ ବିଜେପି ଓ ଶିବସେନା ଅଲଗା ଅଲଗା ଲଢୁଥିବାବେଳେ କଂଗ୍ରେସ ଓ ଏନସିପି ମଧ୍ୟରେ ମେଂଟ ହୋଇଛି ।