୨୭ ବର୍ଷର ଚାକିରି ଜୀବନରେ ୫୨ ଥର ବଦଳି ! ଜାଣନ୍ତୁ କିଏ ଏହି ଆଇଏଏସ୍ ଅଫିସର୍ ?
ଆଇଏଏସ୍ ଅଧିକାରୀ ଅଶୋକ ଖେମକାଙ୍କ ୨୦୧୨ରେ ଚର୍ଚ୍ଚାକୁ ଆସିଥିଲେ । ସେତେବେଳେ ସେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସ୍ୱାମୀ ରବର୍ଟ ଭଦ୍ରାଙ୍କ କମ୍ପାନୀ ଓ ରିୟଲ ଇଷ୍ଟେଟ୍ କମ୍ପାନୀ ଡିଏଲଏଫ ମଧ୍ୟରେ ହୋଇଥିବା ଜମି ସଉଦାକୁ ରଦ୍ଦ କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ହରିୟାଣା ସରକାର ୧୯୯୧ ବ୍ୟାଚର ବରିଷ୍ଠ ଅମଲା ଅଶୋକ ଖେମକାଙ୍କ ସମେତ ରବିବାର ଦିନ ନଅଜଣ ଆଇଏଏସ୍ ଅଫିସରଙ୍କ ଟ୍ରାନସଫର ଆଦେଶ ଦେଇଛନ୍ତି । କ୍ରୀଡ଼ା ଓ ଯୁବ ବ୍ୟାପାର ବିଭାଗର ପ୍ରମୁଖ ସଚିବ ଅଶୋକ ଖେମକାଙ୍କୁ ବିଜ୍ଞାନ ଓ ପ୍ରଯୁକ୍ତିବିଦ୍ୟା ବିଭାଗର ପ୍ରମୁଖ ସଚିବ ଭାବେ ଅବସ୍ଥାପିତ କରାଯାଇଛି । ପୂର୍ବରୁ ମଧ୍ୟ ସେ ଉକ୍ତ ପଦବୀରେ ଅଧିଷ୍ଠିତ ହୋଇଥିଲେ ।
ମନ୍ତ୍ରୀ ଅନୀଲ ବିଜଙ୍କ ନେତୃତ୍ୱାଧୀନ କ୍ରୀଡ଼ା ଓ ଯୁବ ବ୍ୟାପାର ବିଭାଗରେ ପ୍ରାୟ ୧୫ ମାସ ରହିଥିବା ଖେମକା ତାଙ୍କ ଚାକିରି କାଳ ମଧ୍ୟରେ ଏ ପର୍ଯ୍ୟନ୍ତ ୫୨ ଥର ବଦଳି ହେଲେଣି । ଅଶୋକ ଖେମକା ପଶ୍ଚିମବଙ୍ଗର ମୂଳ ବାସିନ୍ଦା । ଖଡ଼ଗପୁରସ୍ଥିତ ଆଇଆଇଟିରୁ ବିଟେକ୍ କରିବା ପରେ ସେ ମୁମ୍ବାଇରୁ ଏମ୍ବିଏ ଓ କମ୍ପ୍ୟୁଟର୍ ସାଇନସରେ ପିଏଚଡି କରିଥିଲେ । ନିଜର ଚାକିରିକାଳ ମଧ୍ୟରେ ବିଭିନ୍ନ ସମୟରେ ଦୁର୍ନୀତି ବିରୋଧରେ ସ୍ୱରଉତ୍ତୋଳନ କରିଛନ୍ତି । ଏଇ କାରଣରୁ ହିଁ ତାଙ୍କର ବାରମ୍ବାର ବଦଳି ହେଉଛି ବୋଲି କୁହାଯାଉଛି ।