ଦୃଷ୍ଟିହୀନଙ୍କ ପାଇଁ ଆଧୁନିକ ଜ୍ଞାନ କୌଶଳରେ ଚଷମା ତିଆରି କଲେ ଛାତ୍ର ! ବିନା ବାଡିରେ ପାର କରିହେବ ରାସ୍ତା
ଆମ ଦେଶରେ ପ୍ରତିଭାର ଅଭାବ ନାହିଁ, ସେଥିପାଇଁ ତ ପ୍ରତିଦିନ ଛୋଟ ଛୋଟ ପିଲାମାନେ ଏମିତି ସବୁ କାମ କରୁଛନ୍ତି କି ପୁରା ଦୁନିଆରେ ଆମ ଦେଶ ସୁନାମ ଅର୍ଜନ କରୁଛି । ଏବେ ନିକଟରେ ଏକ ଖବର ଆସିଥିଲା ତାମିଲନାଡୁର ୧୦ମ ଶେଣ୍ରୀର ଜଣେ ଛାତ୍ର ଦୃହରୋଗ ଚିହ୍ନିବା ପାଇଁ ଏକ ଯନ୍ତ୍ର ତିଆରି କରିଛନ୍ତି । ଆଉ ଏବେ ଏମିତି ଆଉ ଏକ ପ୍ରତିଭାର ଉଦ୍ଭାବନା ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ ଅରୁଣାଚଳ ପ୍ରଦେଶର ଜଣେ ଛାତ୍ର ଏମିତି ଏକ ଚଷମା ତିଆରି କରିଛନ୍ତି ଯାହା ସାହାଯ୍ୟରେ ଦୃଷ୍ଟିହୀନମାନେ ବିନା ବାଡି ସହାୟତାରେ ରାସ୍ତା ପାର କରିପାରିବେ । ଖବର ଅନୁସାରେ ଏକାଦଶ ଶ୍ରେଣୀର ଛାତ୍ର ଅନଙ୍ଗ ତଦାର, ପାର୍କିଙ୍ଗ ସେନସର କୌଶଳକୁ ଉପଯୋଗ କରି ଏକ ଚଷମା ତିଆରି କରିଛନ୍ତି, ଯାହା ଦୃଷ୍ଟିହୀନଙ୍କୁ ବହୁତ ସାହାଯ୍ୟ କରିବ । ସେ ଲମ୍ବା ସମୟ ଧରି ଏହି ପ୍ରୋଜେକ୍ଟ ଉପରେ କାମ କରୁଥିଲେ ।
ଏହି ନିଆରା ଚଷମାର ନାଁ ରଖିଛନ୍ତି “ଗଗଲ ଫର ବ୍ଲାଇଣ୍ଡ” । ଏହି ଚଷମାକୁ ବ୍ୟବହାର କରି ଦୃଷ୍ଟିହୀନଙ୍କୁ ଆଗକୁ ବଢିବା ପାଇଁ ସୁବିଧା ହେବ । ଅନଙ୍ଗ ତଦାର ନିକଟରେ ଗୁଆହାଟୀରେ ଆୟୋଜିତ ହୋଇଥିବା ସାଇନ୍ସ ଫେଷ୍ଟିଭାଲରେ ଏହି ଚଷମାର ପ୍ରଦର୍ଶନ କରିଥିଲେ । ଏହାସହ ସେ କହିଛନ୍ତି ଏହି ଚଷମା ଏମିତି କୌଶଳରେ ତିଆରି ହୋଇଛି କି ଯଦି କୌଣସି ବଡ ଜିନିଷ ସାମ୍ନାକୁ ଆସିବ ତେବେ ଚଷମାର ବିପ ଅନ ହୋଇଯିବ, ଯାହାଦ୍ୱାରା ବ୍ୟକ୍ତି ସଚେତନ ହୋଇଯିବ ।