‘ମୋଦି ହେ ତୋ ମୁମକିନ୍ ହେ’ ! ୨୦୧୯ ଲୋକସଭା ନିର୍ବାଚନ ପାଇଁ ବିଜେପିର ନାରା
କନକ ବ୍ୟୁରୋ : ନିର୍ବାଚନ ତାରିଖ ଘୋଷଣା ପରେ ଭୋଟରଙ୍କୁ କିପରି ସାଧିବ ବିଜେପି ? କେଉଁ ନାରା ନେଇ ଲୋକଙ୍କ ପାଖରେ ପହଞ୍ଚିବ ବୋଲି ସମସ୍ତଙ୍କ ନଜର ଥିଲା । ପୂର୍ବ ଲୋକସଭା ନିର୍ବାଚନରେ ବିଜେପିର ଅନେକ ନାରା ଥିଲା । ସେଥିମଧ୍ୟରୁ ଲୋକପ୍ରିୟ ହୋଇଥିଲା ‘ଅବକି ବାର ମୋଦି ସରକାର’ । ଚଳିତ ଲୋକସଭା ନିର୍ବାଚନ ପାଇଁ ମଧ୍ୟ ବିଜେପିର ନାରା କ’ଣ ହେବ ନିଷ୍ପତ୍ତି ହୋଇସାରିଛଇ ।
Kanak News is now on WhatsApp
Join and get latest news updates delivered to you via WhatsApp
ଆଗାମୀ ଲୋକସଭା ନିର୍ବାଚନ ପାଇଁ ବିଜେପିର ନୂଆ ନାରା “ମୋଦ ହେ ତୋ ମୁମକିନ ହେ” ବୋଲି ଗତକାଲି ପ୍ରକାଶ କରିଛନ୍ତି ଅର୍ଥମନ୍ତ୍ରୀ ଅରୁଣ ଜେଟଲୀ । ଜେଟଲୀ ଏଜେଣ୍ଡା ୨୦୧୯-ଭାଗ ୪ ବ୍ଲଗ ପୋଷ୍ଟରେ ଅରୁଣ ଜେଟଲୀ ଲେଖିଛନ୍ତି ମୋଦି ଗତ ପାଞ୍ଚ ବର୍ଷରେ ଲଗାତାର କାମ କରି ନିଜ ଦୃଢ ସଂକଳ୍ପକୁ ପ୍ରଦର୍ଶିତ କରିଛନ୍ତି । ଏହି ୫ ବର୍ଷରେ ମୋଦି ଜଟିଳ ମାମଲା ଗୁଡିକୁ ଦୃଢତାର ନିଷ୍ପତ୍ତି ନେବାର କ୍ଷମତା ପ୍ରଦର୍ଶନ କରିଛନ୍ତି ।
୨୦୧୯ରେ ଲୋକସଭା ନିର୍ବାଚନ ପାଇଁ ବିଜେପି ପ୍ରଚାର ବିଭାଗର ପ୍ରଭାରୀ ଅରୁଣ ଜେଟଲୀ କହିଛନ୍ତି ସବୁ ଭାରତୀୟ ମୋଦିଙ୍କୁ ଜଣେ କର୍ମଠ ନେତା ଭାବେ ଦେଖୁଛନ୍ତି । ସାରା ଦୂନିଆରୁ ଭାରତ ଉପରେ ନଜର ରଖୁଥିବା ଲୋକମାନେ ମୋଦିଙ୍କ ନିର୍ଣ୍ଣୟ ନେବା ଏବଂ ତାକୁ ଲାଗୁ କରିବାର ପ୍ରକ୍ରିୟାକୁ ଲୋକମାନେ ଅନୁଭବ କରୁଛନ୍ତି । ଏଥିପାଇଁ ଆସନ୍ତା ନିର୍ବାଚନ ପାଇଁ ବିଜେପି “ମୋଦି ହେ ତୋ ମୁମକିନ ହେ” ନାରାକୁ ଚୟନ କରିଛି । ଏହାସହ ଜେଲଟି କେନ୍ଦ୍ର ସରକାରଙ୍କ କିଛି ଲୋକକଲ୍ୟାଣ ଯୋଜନା ବିଷୟରେ ଆଲୋଚନା କରିଛନ୍ତି । ବିଗତ ୫ ବର୍ଷରେ ସାରା ବିଶ୍ୱରେ ସବୁଠାରୁ ଅଧିକ ବଢ଼ୁଥିବା ଅର୍ଥବ୍ୟବସ୍ଥା ହୋଇଛି ।