କନକ ବ୍ୟୁରୋ : ଦୀର୍ଘ ଦିନ ଧରି ଲାଗି ରହିଥିବା ଚର୍ଚ୍ଚାରେ ପୂର୍ଣ୍ଣଚ୍ଛେଦ ପଡିଛି । ପଦ୍ମ ଧରିବେ ଅପରାଜିତା । ଆସନ୍ତା ୨୭ ତାରିଖରେ ଦିଲ୍ଲୀରେ ବିଧିବଦ୍ଧ ଭାବେ ବିଜେପିରେ ଯୋଗଦେବେ ଅପରାଜିତା ଷଡଙ୍ଗୀ । ଏହି ମିଶ୍ରଣ ପର୍ବରେ ବିଜେପିର ତୁଙ୍ଗ ନେତା ମାନେ ସାମିଲ ହେବେ ବୋଲି ଜଣାପଡିଛି । ତେବେ କେଉଁ ଆସନରୁ ଅପରାଜିତା ପ୍ରାର୍ଥୀ ହେବେ ସେନେଇ କିଛି ସ୍ପଷ୍ଟ ହୋଇନଥିଲା ।
Kanak News is now on WhatsApp
Join and get latest news updates delivered to you via WhatsApp
ଅପରାଜିତା ଷଡଙ୍ଗୀ ବିଜେପିରେ ସାମିଲ ହେବା ନେଇ ଖବର ଆସିବା ପରେ ଏବେ ଆଉ ଏକ ଚର୍ଚ୍ଚା ସାମ୍ନାକୁ ଆସିଛି । ଭୁବନେଶ୍ୱର ଲୋକସଭା ଆସନରୁ ସେ ପ୍ରାର୍ଥୀ ହୋଇପାରନ୍ତି ବୋଲି ଚର୍ଚ୍ଚା ହେଉଛି । ଏହି ଚର୍ଚ୍ଚାକୁ ଖୋରାକ ଯୋଗାଇଛି ବିଜେପିର ବରିଷ୍ଠ ନେତା ବିଶ୍ୱଭୂଷଣ ହରିଚନ୍ଦନଙ୍କ ମନ୍ତବ୍ୟ । ବିଶ୍ୱଭୂଷଣ କହିଛନ୍ତି, ତାଙ୍କ ପୁଅ ପୃଥ୍ୱୀରାଜ ହରିଚନ୍ଦନ ବର୍ତ୍ତମାନ ଭୁବନେଶ୍ୱର ଛାଡିବାକୁ ପ୍ରସ୍ତୁତ ହେଉଛନ୍ତି । ପୃଥ୍ୱୀରାଜ ଚିଲିକା ବିଧାନସଭା ଆସନରୁ ଲଢିପାରନ୍ତି ବୋଲି ବିଶ୍ୱଭୂଷଣ କହିଛନ୍ତି ।
ତେବେ ବିଜେପିରେ ମିଶିଲେ ଦଳକୁ ନିଶ୍ଚିତ ଫାଇଦା ହେବ ବୋଲି କହିଛନ୍ତି ବିଶ୍ୱଭୂଷଣ । କାରଣ ସେ ଭୁବନେଶ୍ୱରରେ ଯେପରି କାମ କରିଛନ୍ତି, ସେକଥା ସମେସ୍ତ ଜାଣନ୍ତି । ସାଧାରଣ ଲୋକଙ୍କ ସହ ମିଶିବା ଓ ସାଧାରଣ ଲୋକଙ୍କ ପାଇଁ କାମ କରିବା ସହ ସେ ଅନେକ ବିକାଶମୂଳକ କାମ କରିଛନ୍ତି । ତାଙ୍କୁ ଯେଉଁ ଯେଉଁ ବିଭାଗ ଦାୟିତ୍ୱ ଦିଆଯାଇଥିଲା ସେ ଖୁବ୍ ଭଲରେ କାମ କରିଛନ୍ତି । ସେ ଦୃଷ୍ଟିରୁ ଲୋକେ ତାଙ୍କୁ ପସନ୍ଦ କରନ୍ତି । ତେବେ ତାଙ୍କର ପ୍ରତିଷ୍ଠା ଓ କାମ ପାଇଁ ସମେସ୍ତ ସ୍ୱୀକାର କରିବେ ବୋଲି କହିଛନ୍ତି ବିଶ୍ୱଭୂଷଣ ।