ଥରହର ଶତ୍ରୁଦେଶ, ବାୟୁସେନା ହାତରେ ନୂଆ ଅସ୍ତ୍ର : ସେନାରେ ସାମିଲ ହେଲା ୮ଟି ଲଢ଼ୁଆ ଆପାଚେ ହେଲିକପ୍ଟର 

କନକ ବ୍ୟୁରୋ : ଭାରତୀୟ ବାୟୁସେନାର ବଢ଼ିଲା ଶକ୍ତି  । ଭାରତୀୟ ବାୟୁସେନାରେ ଆଜି ସାମିଲ ହେଲା ଅତ୍ୟାଧୁନିକ ଆପାଚେ ହେଲିକପ୍ଟର  । ଆପାଚେ ଏଏଚ ୬୪- ଇର ୮ଟି ହେଲିକପ୍ଟର ବାୟୁସେନାରେ ସାମିଲ ହୋଇଛି ।  ଦୁନିଆର ସବୁଠୁ ଲଢ଼ୁଆ ହେଲିକପ୍ଟର ଭାବେ ଏହାକୁ ଗ୍ରହଣ କରାଯାଇଥାଏ । ଆମେରିକା ସେନା ଏହି ଆପାଚେ ହେଲିକପ୍ଟର ବ୍ୟବହାର କରିଥାଏ  । ଆଠଟି ଆପାଚେ ହେଲିକପ୍ଟର ବାୟୁସେନାରେ ସାମିଲ ହୋଇଛି  । ଏହି ହେଲିକପ୍ଟର କିଣିବା ପାଇଁ ଭାରତ ଓ ଆମେରିକା ମଧ୍ୟରେ ୨୦୧୫ରେ ଚୁକ୍ତି ହୋଇଥିଲା  । ବୋଇଙ୍ଗ କମ୍ପାନୀ ଠାରୁ ଏହିପରି ୨୨ଟି ଆପାଚେ ହେଲିକପ୍ଟର କିଣିବାକୁ ଭାରତ ଚୁକ୍ତି କରିଥିଲା  । ଆସନ୍ତାବର୍ଷ ସୁଦ୍ଧା ଭାରତକୁ ସବୁ ହେଲିକପ୍ଟର ମିଳିଯିବ  ।

 

ଆପାଚେ ହେଲିକପ୍ଟରର କ୍ଷମତା ?

ଆପାଚେ ହେଲିକପ୍ଟର ଦୁନିଆର ଅନ୍ୟତମ ଲଢୁଆ ଯୁଦ୍ଧବିମାନ ।

ଦୁଇ ସିଟ ବିଶିଷ୍ଟ ହେଲିକପ୍ଟରରେ ସଂଯୋଗ ହୋଇଛି କ୍ଷେପଣାସ୍ତ୍ର ।

ରାତିରେ ଅପରେସନ କରିପାରିବ  ଆପାଚେ ।

ଆପାଚେର ଉଡାଣ କ୍ଷମତା ଘଂଟାପ୍ରତି ୩୬୫ କିଲୋମିଟର ।

ହେଲିକପ୍ଟରରେ ରହିଛି ୩୦ ଏମଏଲର ୨ଟି ବନ୍ଧୁକ ।

ଆପାଚେକୁ ଧରିପାରିବ ନାହିଁ ଶତ୍ରୁପକ୍ଷର ରାଡାର ।