କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଭେଟିଲେ କେନ୍ଦ୍ରାପଡ଼ା ସାଂସଦ : ଜିଲ୍ଲାରେ ସୁପରସ୍ପେସାଲିଟି ମେଡ଼ିକାଲ କଲେଜ ଓ ହସ୍ପିଟାଲ ନିର୍ମାଣ ପାଇଁ ଦାବି ଜଣାଇଲେ ଅନୁଭବ ମହାନ୍ତି
କନକ ବ୍ୟୁରୋ : କେନ୍ଦ୍ରାପଡ଼ାବାସୀଙ୍କ ଚିନ୍ତାରେ କେନ୍ଦ୍ରାପଡ଼ା ସାଂସଦ । କେନ୍ଦ୍ରାପଡ଼ା ଲୋକଙ୍କୁ ଉତ୍ତମ ସ୍ୱାସ୍ଥ୍ୟସେବା ଯୋଗାଇ ଦେବା ଉଦ୍ଦେଶ୍ୟରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଭେଟିଛନ୍ତି ସାଂସଦ ଅନୁଭବ ମହାନ୍ତି । ନିଜ ନିର୍ବାଚନ ମଣ୍ଡଳୀରେ ଏକ ସୁପର ସ୍ପେସାଲିଟି ମେଡ଼ିକାଲ କଲେଜ ଓ ହସ୍ପିଟାଲ ନିର୍ମାଣ ପାଇଁ ଦାବି ଜଣାଇଛନ୍ତି ଅନୁଭବ ମହାନ୍ତି । ଏହାଦ୍ୱାରା ସ୍ଥାନୀୟ ଅଂଚଳ ଅତ୍ୟାଧୁନିକ ସ୍ୱାସ୍ଥ୍ୟସେବା, ଡାକ୍ତରୀ ଶିକ୍ଷା ଏବଂ ଗବେଷଣା ସୁବିଧା ଯୋଗାଇଦେବ । କେନ୍ଦ୍ରାପଡ଼ାରେ ସାମଗ୍ରୀକ ସ୍ୱାସ୍ଥ୍ୟସେବା ପହଁଚ ସୁନିଶ୍ଚିତ କରିବା ଦିଗରେ ଏକ ବୃହତ ପଦକ୍ଷେପ ହେବ । କେବଳ ଏତିକି ନୁହେଁ କେନ୍ଦ୍ରାପଡ଼ାରେ ଏକ ହୋମିଓପାଥି ୟୁନିଭରସିଟି ତିଆରି କରିବା ପାଇଁ ମଧ୍ୟ ଦାବି ଜଣାଇଛନ୍ତି ଅନୁଭବ ମହାନ୍ତି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ରାପଡ଼ା ଲୋକଙ୍କୁ ସୁସ୍ଥ ରଖିବା ଏବଂ ସ୍ୱାସ୍ଥ୍ୟସେବାକୁ ସୁଲଭ କରିବା ଲକ୍ଷ୍ୟରେ ସାଂସଦଙ୍କ ଭାରତୀୟ ଚିକିତ୍ସା ପରିଷଦ ବିଧେୟକ ୨୦୧୯ ଅନୁସାରେ ଜିଲ୍ଲାରେ ଏକ ସୁପରସ୍ପେସାଲିଟି ମେଡ଼ିକାଲ କଲେଜ ଓ ହସ୍ପିଟାଲ ନିର୍ମାଣ ନେଇ ସଂସଦରେ ପୂର୍ବରୁ ଦାବି ଉପସ୍ଥାପନ କରିଥିଲେ ଅନୁଭବ ମହାନ୍ତି । କେନ୍ଦ୍ରାପଡ଼ା ଲୋକଙ୍କ ହିତପାଇଁ ପୁଣି ଆଉଥରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀଙ୍କୁ ଭେଟି ଦାବି କଥା ମନେପକାଇ ଦେଇଛନ୍ତି । ଜିଲ୍ଲାରେ ସୁପରସ୍ପେସାଲିଟି ମେଡ଼ିକାଲ ନିର୍ମାଣ ହେଲେ ସ୍ୱାସ୍ଥ୍ୟସେବା କ୍ଷେତ୍ର ଅଧିକ ବ୍ୟାପକ କରାଯାଇପାରିବା ସହ ଜନସାଧାରଣ ବହୁଳ ଭାବେ ଉପକୃତ ହୋଇପାରିବେ । ଜିଲ୍ଲାରେ ହିଁ ଗୁରୁତର ରୋଗୀମାନେ ତୁରନ୍ତ ଚିକିତ୍ସା ସେବା ପାଇ ପାରିବେ । ଲୋକଙ୍କୁ ଆଉ ବାହାର ସହର କିମ୍ବା ରାଜ୍ୟ ବାହାରକୁ ଯିବାକୁ ପଡ଼ିବ ନାହିଁ । ତେବେ ଏଦିଗରେ ରାଜ୍ୟ ସରକାର ସମସ୍ତ ସହଯୋଗ କରିବେ ବୋଲି କହିଛନ୍ତି କେନ୍ଦ୍ରାପଡ଼ା ସାଂସଦ । ରାଜ୍ୟରେ ସ୍ୱାସ୍ଥ୍ୟସେବା କ୍ଷେତ୍ରରେ ବିକାଶ ଆଣିବା ଦିଗରେ ସରକାର ବହୁ କାର୍ଯ୍ୟକ୍ରମ ହାତକୁ ନେଇଛନ୍ତି ।
ଏହାସହ କେନ୍ଦ୍ରାପଡ଼ାରେ ଏକ ହୋମିଓପାଥି ୟୁନିଭରସିଟି ନିର୍ମାଣ ପାଇଁ ମଧ୍ୟ ଦାବି ଜଣାଇଛନ୍ତି ଅନୁଭବ ମହାନ୍ତି । ସୁଲଭ ମୂଲ୍ୟ ଲୋକମାନଙ୍କୁ ଔଷଧ ଉପଲବ୍ଧ ହୋଇପାରିବ । ଗରୀବ ଶ୍ରେଣୀର ଲୋକମାନେ ଅଧିକ ଉପକୃତ ହୋଇପାରିବେ ।
Honoured to meet @drharshvardhan ji, Union Minister @MoHFW_INDIA. Handed him follow up letters reiterating my requests in the LS to open: 1) a Govt Superspecialty Med College & Hospital and 2) a Homeopathic Univ in #Kendrapara. He was very positive and assured me of his support. pic.twitter.com/LJRMGJa7qu
— Anubhav Mohanty (@AnubhavMohanty_) July 26, 2019