କନକ ବ୍ୟୁରୋ : ଲୋକସଭାର କାମଚଳା ବାଚସ୍ପତି ହେଲେ ସନ୍ତୋଷ ଗଙ୍ଗୱାର । ଲୋକସଭା ନିର୍ବାଚନରେ ବିଜେପିର ପ୍ରଚଣ୍ଡ ବହୁମତରେ ବିଜୟ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ୱିତୀୟ କାର୍ଯ୍ୟକାଳ ପାଇଁ ଆଜି ନୂଆ ମନ୍ତ୍ରୀପରିଷଦଙ୍କ ସହ ଶପଥ ନେବ । ଆଜି ସନ୍ଧ୍ୟା ୭ଟାରେ ରାଷ୍ଟ୍ରପତି ଭବନ ପ୍ରାଙ୍ଗଣରେ ଆୟୋଜିତ ହେବ ଶପଥ ଗ୍ରହଣ ଉତ୍ସବ । ମୋଦି ଓ ତାଙ୍କ ମନ୍ତ୍ରୀମଣ୍ଡଳ ଶପଥ ନେବେ । ନବ ନିର୍ବାଚିତ ସାଂସଦଙ୍କୁ ଶପଥ ପାଠ କରାଇବ ବରେଲିର ବିଜେପି ସାଂସଦ ସନ୍ତୋଷ ଗଙ୍ଗୱାର । ସନ୍ତୋଷ ଗଙ୍ଗୱାର ଉତ୍ତରପ୍ରଦେଶ ବରେଲିରୁ ଲୋକସଭା ସାସଦ ଅଛନ୍ତି । ୨୦୧୯ ନିର୍ବାଚନରେ ବରେଲି ଆସନରୁ ବିଜେପି ଟିକେଟରୁ ନିର୍ବାଚନ ଜିିତିଛନ୍ତି ସନ୍ତୋଷ ଗଙ୍ଗୱାର ।
Kanak News is now on WhatsApp
Join and get latest news updates delivered to you via WhatsApp
ବତ୍ତର୍ମାନ ମୋଦି ସରକାରରେ ସେନ୍ତୋଷ ଗଙ୍ଗୱାର ଲୋକସଭା ସାଂସଦ ହେବା ସହ କେନ୍ଦ୍ର ସରକାରରେ ବର୍ତ୍ତମାନ ରାଜ୍ୟ ଅର୍ଥ ମନ୍ତ୍ରୀ ଅଛନ୍ତି । ସନ୍ତୋଷ ଗଙ୍ଗୱାର ପୂର୍ବରୁ ଅଟଳ ବିହାରୀ ବାଜପେୟୀ ସରକାରରେ ପେଟ୍ରୋଲିୟମ ରାଜ୍ୟମନ୍ତ୍ରୀ ରୂପେ କାର୍ଯ୍ୟ ନର୍ବାହ କରିସାରିଛନ୍ତି । ଲଗାତାର ୬ ଥର ଲେକାସଭା ନିର୍ବାଚନ ଜିତିଛନ୍ତି ସନ୍ତୋଷ ଗଙ୍ଗୱାର । ୧୯୯୬ରେ ଉତ୍ତରପ୍ରଦେଶର ବିଜେପି ମହାସଚିବ ନିଯୁକ୍ତ ହୋଇଥିଲେଲ । ୧୯୪୮,୧ ନଭେମ୍ବର ଉତ୍ତରପ୍ରଦେଶର ବରେଲିରେ ଜନ ଗ୍ରହଣ କରିଥିଲେ ସନ୍ତୋଷ ଗଙ୍ଗୱାର । ଆଗ୍ରା ଓ ରୁହେଲଖଣ୍ଡ ବିଶ୍ୱବିଦ୍ୟାଳୟରୁ ସେ ଉଚ୍ଚ ଶିକ୍ଷା ପ୍ରାପ୍ତ କରିଥିଲେ । ଛାତ୍ର ଜୀବନରୁ ହିଁ ସେ ରାଜନୀତି ସହ ଅଙ୍ଗାଙ୍ଗୀ ଭାବେ ଜଡ଼ିତ । ଭାରତରେ ଏମରଜେନ୍ସି ସମୟରେ ତାଙ୍କୁ ଜେଲ ମଧ୍ୟ ଯିବାକୁ ପଡ଼ିଥିଲା ।