ମନ୍ଦିରକୁ ଭିକାରି ଦାନ କଲେ ୮ ଲକ୍ଷ ଟଙ୍କା : ଯେଉଁ ମନ୍ଦିର ସାମ୍ନାରେ ଭିକ ମାଗିଥିଲେ, ସେହି ମନ୍ଦିରକୁ ସବୁ ଦେଇଦେଲେ
କନକ ବ୍ୟୁରୋ : ଯେଉଁ ମନ୍ଦିର ସାମ୍ନାରେ ଭିକ ମାଗିଥିଲେ ସେହି ମନ୍ଦିରକୁ ହିଁ ସବୁ କିଛି ଦେଇଦେଲେ । ମନ୍ଦିର ସାମ୍ନାରେ ବସି ୭ ବର୍ଷରେ ଭିକ ମାଗି ଆୟ କରିଥିବା ୮ ଲକ୍ଷ ଟଙ୍କା ମନ୍ଦିରକୁ ହିଁ ଦାନ କରିଦେଇଛନ୍ତି । ଆନ୍ଧ୍ରପ୍ରଦେଶ ବିଜୟୱାଡାର ସାଇ ମନ୍ଦିର ସାମ୍ନାରେ ଆଜିକୁ ୭ ବର୍ଷ ହେଲା ବସି ରହି ଭିକ ମାଗନ୍ତି ୟାଦି ରେଡ୍ଡୀ ।
Kanak News is now on WhatsApp
Join and get latest news updates delivered to you via WhatsApp
ୟାଦି ପୂର୍ବରୁ ରିକ୍ସା ଚଳାଉଥିବାବେଳେ ଯେତେବେଳେ ବାର୍ଦ୍ଧକ୍ୟ ଯୋଗୁଁ ଆଉ ରିକ୍ସା ଚଳାଇପାରିନଥିଲେ ସେବେଠାରୁ ଏହି ମନ୍ଦିର ହିଁ ଟଙ୍କା ପାଇଁ ସବୁକିଛି ପାଲଟିଯାଇଥିଲା । ୟାଦି ୪୦ ବର୍ଷ ଧରି ରିକ୍ସା ଚଳାଇଥିବାବେଳେ ଶେଷ ସମୟରେ ୧ ଲକ୍ଷ ଟଙ୍କା ଦେଇପାରିଥିଲେ । ଏହା ପରେ ଯେତେବେଳେ ଆଉ ରିକ୍ସା ଚଳାଇପାରିନଥିଲେ ସେବେଠାରୁ ଏହି ମନ୍ଦିର ସାମ୍ନାରେ ବସି ଭଗବାନଙ୍କ ସାମ୍ନାରେ ନିଜକୁ ସମର୍ପଣ କରିଦେଇଥିଲେ ।
ୟାଦିଙ୍କ ଏହି ଦାନ ଅର୍ଥକୁ ନେଇ ମନ୍ଦିର କର୍ତ୍ତୃପକ୍ଷ କହିଛନ୍ତି ଯେ ଏହି ଟଙ୍କାକୁ ମନ୍ଦିରର ବିକାଶରେ ଖର୍ଚ୍ଚ କରାଯିବ ।ପୂର୍ବରୁ ୟାଦି ଦେଇଥିବା ୧ ଲକ୍ଷ ଟଙ୍କାରେ ଗୋଶାଳା ନିର୍ମାଣ କରାଯାଇଥିବାବେଳେ ୮ ଲକ୍ଷ ଟଙ୍କାରେ ଏବେ ମନ୍ଦିରରେ ନୂଆ ନିର୍ମାଣ କରାଯିବ ।