ପୁଣି ବିବାଦରେ ଲୋକପ୍ରିୟ ମ୍ୟାଗି ! ନିର୍ଦ୍ଧାରିତ ମାନଠାରୁ ଅଧିକ ପରିମାଣର ଆସ୍ ଥିବା ଅଭିଯୋଗ
କନକ ବ୍ୟୁରୋ : ପୁଣି ବିବାଦରେ ଲୋକପ୍ରିୟ ନୁଡୁଲ୍ସ ବ୍ରାଣ୍ଡ ମ୍ୟାଗି । ଲ୍ୟାବ ଟେଷ୍ଟରେ ଫେଲ ମାରିବା ପରେ ନେସଲେ ଇଣ୍ଡିଆକୁ ଜରିମାନା କଲା ଉତ୍ତରପ୍ରଦେଶ ଶାହାଜାହାନପୁର ପ୍ରଶାସନ । ମ୍ୟାଗି ନୁଡୁଲ୍ସରେ ଅଧିକ ପରିମାଣର ଆସ୍ ବା ପ୍ୟାକେଟ ଖାଦ୍ୟରେ ବ୍ୟବହାର ହେଉଥିବା ଏକପ୍ରକାର ଖଣିଜଦ୍ରବ୍ୟ ନିର୍ଦ୍ଧାରିତ ମାନଠାରୁ ଅଧିକ ଥିବା ଅଭିଯୋଗରେ ଏହି ଜୋରିମାନା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନେସଲେ କମ୍ପାନିକୁ ୪୫ ଲକ୍ଷ, ତିନିଟି ଡିଷ୍ଟ୍ରିବ୍ୟୁଟରଙ୍କୁ ୧୫ ଲକ୍ଷ ଏବଂ ୨ଟି ରିଟେଲର ବା ଖୁଚୁରା ବିକ୍ରେତାଙ୍କୁ ୧୧ ଲକ୍ଷ ଟଙ୍କାର ଜୋରିମାନା କରିଛି ଶାହାଜାହନପୁର ପ୍ରଶାସନ । ଗତବର୍ଷ ନଭେମ୍ବରରେ ସାମ୍ପୁଲ ନିଆଯାଇଥିବାବେଳେ ଏବେ ରିପୋର୍ଟ ଆସିବାରୁ ଜୋରିମାନା କରିଛି ୟୁପିର ସ୍ଥାନୀୟ ପ୍ରଶାସନ । ତେବେ ନେସଲେ କହିଛି ଏ ସଂପର୍କିତ କୌଣସି ନିର୍ଦ୍ଦେଶନାମା ଆମର ହସ୍ତଗତ ହୋଇନାହିଁ ଏବଂ ସଂଗ୍ରହ କରାଯାଇଥିବା ସାମ୍ପୁଲ ୨୦୧୫ ମସିହାର । ସେତେବେଳେ ଅଭିଯୋଗ ଆସିବା ପରେ ମ୍ୟାଗି ତାର ସମସ୍ତ ଉତ୍ପାଦକୁ ବଜାରରୁ ଫେରାଇ ନେଇଥିଲା । ଏବେ ବଜାରରେ ମିଳୁଥିବା ମ୍ୟାଗିର ସମସ୍ତ ଉତ୍ପାଦ ନିର୍ଦ୍ଧାରିତ ମାନ ଅନୁଯାୟୀ ପ୍ରସ୍ତୁତ ହେଉଛି ଓ ୧୦୦ ପ୍ରତିଶତ ଖାଦ୍ୟ ଉପଯୋଗୀ ବୋଲି କମ୍ପାନି କହିଛି ।