ବ୍ୟାଙ୍କରୁ ଠକେଇ, ପଛରେ ବାବୁ । ପୁଣି ପିଏନବିରୁ ଆସିଲା ଠକେଇ ଅଭିଯୋଗ । ୩୨ କୋଟିର ଠକେଇ ମାମଲାରେ ସିବିଆଇର ଛାନଭିନ୍ । ବ୍ୟାଙ୍କ୍ ପଦାଧିକାରୀ ସହଯୋଗ ଥିବା ଅଭିଯୋଗ ।
କନକ ବ୍ୟୁରୋ : ପିଏନବିକୁ ଠକିଦେଲେ ୩୨ କୋଟି । ବ୍ୟାଙ୍କ କର୍ମଚାରୀଙ୍କୁ ଆୟୁଧ କରି ଭୁବନେଶ୍ୱର ଲୁଇସ ରୋଡର ଏକ ସଂସ୍ଥା ବ୍ୟାଙ୍କକୁ ଚୁନା ଲଗାଇଛି । ଅଭିଯୋଗ ପରେ କୋଲକତା, ବିଶାଖପାଟଣା ସମେତ ବିଭିନ୍ନ ସ୍ଥାନରେ ତନାଘନା ଆରମ୍ଭ କରିଛି ସିବିଆଇ । ସଂସ୍ଥା ମୁଖ୍ୟ ଓ ବ୍ୟାଙ୍କ ମହାପ୍ରବନ୍ଧକଙ୍କ ନାଁରେ ରୁଜୁ ହୋଇଛି ମାମଲା ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ସ୍ଥିତ ପଂଜାବ ନ୍ୟାସନାଲ ବ୍ୟାଙ୍କର ଷ୍ଟେସନ ସ୍କୋୟାର ଶାଖାରେ ଏହି ଠକୋଇ ହୋଇଥିବା ନେଇ ଅଭିଯୋଗ ହୋଇଛି । ୨୦୧୦ରୁ ୨୦୧୫ ମସିହା ମଧ୍ୟରେ ଲୁଇସରୋଡସ୍ଥିତ ଗ୍ଲୋବାଲ ଟ୍ରେଡିଂ ସଲ୍ୟୁସନ ନାମକ ଏକ କମ୍ପାନୀଙ୍କୁ ଲାଭ ପହଂଚାଇବା ପାଇଁ ହୋଇଥିଲା ଷଡଯନ୍ତ୍ର । ଏହାରି ପଛରେ ଥିଲେ ବ୍ୟାଙ୍କର କିଛି ବରିଷ୍ଠ କର୍ମଚାରୀ । ଏମାନଙ୍କ ସହଯୋଗରେ ୩୨ କୋଟିରୁ ଅଧିକ ଟଙ୍କାର ଠକେଇ ହୋଇଥିବା ଅଭିଯୋଗ ହୋଇଛି । ଏନେଇ ଗତ ଜୁନ୍ ୫ ତାରିଖରେ ସିବିଆଇ ଏସପିଙ୍କ ଆଗରେ ଅଭିଯୋଗ କରିଛନ୍ତି ପିଏନବିର ସର୍କଲ ମୁଖ୍ୟ ଗଣପତ ଲାଲ ।
ପଞ୍ଜାନ ନ୍ୟାସନାଲ ବ୍ୟାଙ୍କରୁ ୩୨ କୋଟି ଟଙ୍କା ଠକେଇ ମାମଲାରେ ସିବିଆଇ ପଚରାଉଚରା ଆରମ୍ଭ କରିଛି । ଗୁରୁବାର ବ୍ୟାଙ୍କର କିଛି ଉଚ୍ଚ ପଦାଧିକାରୀ ଓ ଗ୍ଲୋବାଲ ଟ୍ରେଡିଂ ସଲ୍ୟୁସନ ପ୍ରାଇଭେଟ ଲିମିଟେଡର ଅଧିକାରୀଙ୍କୁ ଭୁବନେଶ୍ୱର ସିବିଆଇ ଅଫିସରେ କରିଛି ଜେରା । ଆବଶ୍ୟକ ପଡିଲେ କିଛି ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବା ସମ୍ଭାବନା ଅଛି ବୋଲି କୁହାଯାଉଛି । କ୍ୟାସ କ୍ରେଡିଟ, ବିଲ ଡିସକାଂଉଟିଂ, ଲେଟର ଅଫ୍ କ୍ରେଡିଟ ଜରିଆରେ ଏହି ଠକେଇ ହୋଇଛି । ଏଥିପାଇଁ ପିଏନ୍ବିକୁ ୩୧କୋଟି ୯୨ଲକ୍ଷ ୬୮ହଜାର ୯୦୬ କୋଟି ଟଙ୍କାର କ୍ଷତି ସହିବାକୁ ପଡିଛି । ସେତେବେଳେ ବ୍ୟାଙ୍କର ପଦାଧିକାରୀ ନିଜ ପଦର ଅପବ୍ୟବହାର କରି ଗ୍ଲୋବାଲ ଟ୍ରେଡିଂ ସଲ୍ୟୁସନକୁ ଠକେଇ କରିବାରେ ସହାୟତା କରିଥିଲେ ।
ଲୁଇସ ରୋଡରୁ ବ୍ୟବସାୟ ପରିଚାଳନା କରୁଥିବା ଗ୍ଲୋବାଲ ଟ୍ରେଡିଂ ସଲ୍ୟୁସନ ଲୁହାପଥର ରପ୍ତାନି ଓ ଅନ୍ୟ କାରବାର ସହ ଜଡିତ ଥିଲା । ଏହା ଦେଶ ଭିତରେ ଓ ବିଦେଶକୁ ଲୁହାପଥର ରପ୍ତାନି କରିଥାଏ । ସିଙ୍ଗାପୁରର ଏକ କମ୍ପାନୀ ସହ ବ୍ୟବସାୟିକ ସମ୍ପର୍କ ସ୍ଥାପନ ହେବା ପରେ ସେଠାରୁ ଫରେନ ଲେଡର ଅଫ କ୍ରେଡିଟ ହାସଲ କରିଥିଲା । ଏହି ଲେଟର ଜରିଆରେ ପିଏନ୍ବିର ଷ୍ଟେସନ ସ୍କେୟାର ଶାଖାରୁ ଠକେଇ କରାଯାଇଥିବା ଜଣାପଡିଛି ।