ମୋଦିଙ୍କ ଅତିଥି ହେଲେ ବଲିଉଡ୍ର ସେଲିବ୍ରିଟି : ପ୍ରଧାନମନ୍ତ୍ରୀଙ୍କ ସହ ସେଲଫି ନେବାକୁ ତାରକାଙ୍କ ମଧ୍ୟରେ ପ୍ରତିଯୋଗିତା
କନକ ବ୍ୟୁରୋ : ବଲିଉଡ୍ ସେଲିବ୍ରିଟିଙ୍କୁ ଭେଟିଲେ ପ୍ରଧାନମନ୍ତ୍ରୀ । ଜାତିର ପିତା ମହାତ୍ମାଗାନ୍ଧିଙ୍କ ୧୫୦ ତମ ଜନ୍ମଜୟନ୍ତୀ ପାଳନ ନେଇ ଅଭିନେତା, ଅଭିନେତ୍ରୀ, ପ୍ରଯୋଜକ ଓ ନିର୍ମାତାଙ୍କ ସହ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗାନ୍ଧିଜୀଙ୍କ ୧୫୦ ତମ ଜନ୍ମ ଜୟନ୍ତୀକୁ ସ୍ମରଣୀୟ କରିବାକୁ ମୋଦି ସେଲିବ୍ରିଟିଙ୍କୁ ବିଭିନ୍ନ କାର୍ଯ୍ୟକ୍ରମ କରିବାକୁ ଆହ୍ୱାନ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀଙ୍କ ବାସଭବନରେ ସ୍ୱତନ୍ତ୍ର ଭାବେ ନିମନ୍ତ୍ରିତ ହୋଇଥିବା ଅଭିନେତା ଶାହରୁଖ ଖାନ, ଆମିର ଖାନ, କଙ୍ଗନା ରଣାୱତ, ଜ୍ୟାକଲିନ୍ ଫର୍ଣ୍ଣାଣ୍ଡିଜ, ଜ୍ୟାକି ଶ୍ରଫ୍, ଗାୟକ ସୋନୁ ନିଗମ, ହରିହରନ, ମୋଦିଙ୍କ ସହ ବଲିଉଡର ବିଭିନ୍ନ ସମସ୍ୟା ନେଇ ମଧ୍ୟ ଆଲୋଚନା କରିିଥିଲେ । ଏଥି ସହ ମୋଦିଙ୍କ ଆଗରେ ଅନେକ ପ୍ରସ୍ତାବ ରଖିଥିଲେ ।
ସେପଟେ ଫିଲ୍ମ ଷ୍ଟାରଙ୍କ ସହ ଆଲୋଚନା ପରେ ସେମାନଙ୍କ କାମକୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ । ମହାତ୍ମାଗାନ୍ଧିଙ୍କ ୧୫୦ ତମ ଜନ୍ମ ଜୟନ୍ତୀ ଆବସରରେ ପ୍ରଧାନମନ୍ତ୍ରୀ ମୋଦିଙ୍କ ସହ ଆଲୋଚନା ଏକ ଭିନ୍ନ ଧରଣର ଅନୁଭୂତି ଦେଇଛି ବୋଲି ଅନେକ ଷ୍ଟାର ମତ ରଖିଛନ୍ତି ।