ଲିମକା ବୁକ ଅଫ ରେକର୍ଡରେ ସ୍ଥାନ ପାଇବା ପାଇଁ ଉଦ୍ୟମ : ପାରମ୍ପରିକ ବେଶରେ ପଦ୍ମପୁରରେ ଏକାଠି ନାଚିଲେ ୩ ହଜାର କଳାକାର, କରମସାନି ପୂଜାରେ ମାଦଳ ବଜାଇ କଲେ ବିଶ୍ୱ ରେକର୍ଡ
କନକ ବ୍ୟୁରୋ : ଲିମ୍କା ବୁକ୍ ଜାତୀୟ ରେକର୍ଡ ପାଇଁ ସମ୍ବଲପୁରୀ ଫୋକ୍ ଏକାଡେମି ଆନୁକୂଲ୍ୟରେ ରବିବାର ବରଗଡ଼ ଜିଲ୍ଲା ଗାଇସିଲାଟ୍ ବ୍ଲକ ସରଧାପାଲି ନିକଟରେ ଥିବା ମହାଜନ ଡୁଙ୍ଗୁରିଠାରେ ବିଶାଳ କରମସାନି ଉତ୍ସବ ଅନୁଷ୍ଠିତ ହୋଇଛି । କରମସାନୀ ପୂଜାରେ ଲୋକେ କରମା ଗଛର ଡାଳକୁ ପୂଜା ମଣ୍ଡପରେ ସ୍ଥାପନ କରି ମାଦଳ ବଜାଇ ଗୀତଗାଇ କରମସାନୀ ଦେବୀଙ୍କୁ ପୂଜା କରିଥାନ୍ତି । ଏହି ଉତ୍ସବରେ ରେକର୍ଡ କରିବା ପାଇଁ ନିଆରା ଉଦ୍ୟମ କରିଛି ସମ୍ବଲପୁର ଫୋକ ଏକାଡେମୀ ।
Kanak News is now on WhatsApp
Join and get latest news updates delivered to you via WhatsApp
ଏକା ଥରକେ ପ୍ରାୟ ୩ ହଜାର କଳାକାର ଏକାଠି ହୋଇ ମାଦଳ ବଜାଇ ଏହି ରେକର୍ଡ କରିଛନ୍ତି । ଏହି କରମା ଉତ୍ସବରେ ଆଖପାଖ ତଥା ଦୂର ଦୂରାନ୍ତରୁ ହଜାର ହଜାର ବାଦକ ଓ ଗାହାକ ଯୋଗ ଦେଇ ପର୍ଯ୍ୟାୟ କ୍ରମେ କଳା ପ୍ରଦର୍ଶନ କରିଥିଲେ । ଏଭଳି ପ୍ରୟାସ ପଶ୍ଚିମ ଓଡିଶା ନୁହେଁ ଭାରତରେ ବିରଳ ବୋଲି ଚର୍ଚ୍ଚା ହେଉଛି । ସୂଚନାଯୋଗ୍ୟ, ଅକ୍ଟୋବର ୧୫ରେ ବରିଷ୍ଠ କଳାକାର ତଥା ଯୋଜନା ଓ ପରିବହନ ମନ୍ତ୍ରୀ ପଦ୍ମନାଭ ବେହେରା ‘ଡଙ୍ଗର ଉପରେ କରମସାନି’ କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ।