୨୪ ଘଣ୍ଟାରେ ୨୬୯୮ ନୂଆ କରୋନା ଆକ୍ରାନ୍ତ । ସଙ୍ଗରୋଧରୁ ୧୬୭୫, ସ୍ଥାନୀୟ ଅଞ୍ଚଳରୁ ୧୦୨୩ କରୋନା ଆକ୍ରାନ୍ତ ଚିହ୍ନଟ । ରାଜ୍ୟରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୭୨ହଜାର୭୧୮ରେ ପହଞ୍ଚିଲା ।
କନକ ବ୍ୟୁରୋ : ରାଜ୍ୟରେ ଆଜି ୨୬ ଶହ ୯୮ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ମୋଟ ଆକ୍ରାନ୍ତଙ୍କ ସଂଖ୍ୟା ୭୨ ହଜାର ୭୧୮ ରେ ପହଚିଂଛି । ଆଜି ଚିହ୍ନଟ ୨୬ ଶହ ୯୮ ଆକ୍ରାନ୍ତଙ୍କ ମଧ୍ୟରୁ ସଂଗରୋଧ କେନ୍ଦ୍ରରୁ ୧୬ ଶହ ୭୫ ଓ ସ୍ଥାନୀୟ ସଂକ୍ରମିତ ୧୦୨୩ ଅଛନ୍ତି । ଖୋର୍ଦ୍ଧାରୁ ସର୍ବାଧିକ ୪୭୫ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ୮ ଜିଲ୍ଳାରେ ୧୦୦ ଉପରେ ଆକ୍ରାନ୍ତଙ୍କ ସଂଖ୍ୟା ରହିଛି ।
Kanak News is now on WhatsApp
Join and get latest news updates delivered to you via WhatsApp
ବାଲେଶ୍ୱରରୁ ୧୦୨, କଟକରୁ ୨୦୭,ଗଂଜାମରୁ ୧୬୨, କୋରାପୁଟରୁ ୧୪୬,ମାଲକାନଗିରିରୁ ୮୧, ମୟୁରଭଂଜରୁ ୧୨୮,ନବରଙ୍ଗପୁରରୁ ୯୧, ରାୟଗଡାର ୧୫୪,ସୁନ୍ଦରଗଡରୁ ୧୦୩, ସମ୍ବଲପୁରରୁ ୭୮ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଯାଏ ୪୮ ହଜାର ୫୭୬ ଜଣ ସୁସ୍ଥ ହୋଇଥିବା ବେଳେ ସକ୍ରିୟ ସଂକ୍ରମିତଙ୍କ ସଂଖ୍ୟା ରହିଛି ୨୩ ହଜାର ୬୯୯ ।
ସେହିପରି ୨୪ ଘଂଟାରେ ରାଜ୍ୟରେ ୧୦ ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଖୋର୍ଦ୍ଧାରୁ ୨ ଜଣ ଥିବା ବେଳେ ଗଂଜାମରୁ ୪ ଜଣ, କୋରାପୁଟ, ନୟାଗଡ,ସୋନପୁର,ଅନୁଗୁଳରୁ ଜଣେ ଲେଖାଁଏ ଅଛନ୍ତି । ଅନୁଗଳରୁ ଜଣେ ୫୫ ବର୍ଷୀୟ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ତାଙ୍କର ଡାଏବେଟିସ ଥିଲା । ସେହିପରି ଭୁବନେଶ୍ୱରରୁ ଜଣେ ୭୦ ବର୍ଷୀୟ ବୃଦ୍ଧ ଓ ଜଣେ ୫୮ ବର୍ଷୀୟ ମହିଳାଙ୍କ ମୃତ୍ୟୁ ହୋଇଛି ।ସେହିପରି କୋରାପୁଟରେ ବି ଜଣେ ୩୫ ବର୍ଷୀୟ ମହିଳାଙ୍କ ମୃତ୍ୟୁ ହୋଇଛି ।ନୟାଗଡରେ ଜଣେ ୬୧ ବର୍ଷୀୟ ବ୍ୟକ୍ତିଙ୍କ ମୃତ୍ୟୁ ହୋଇଥିବା ବେଳେ ସୋନୁପର ମୃତକଙ୍କ ବୟସ ରହିଛି ୭୬ ବର୍ଷ । ସେହିପରି ଗଂଜାମରେ ଜଣେ ୭୦ ବର୍ଷୀୟ ବୃଦ୍ଧ ଓ ୫୯ ବର୍ଷୀୟ,୫୦ ବର୍ଷୀୟ ବ୍ୟକ୍ତିଙ୍କ ମୃତ୍ୟୁ ହୋଇଛି । ରାଜ୍ୟରେ ମୋଟ କରୋନା ମୃତ୍ୟୁ ସଂଖ୍ୟା ୩୯୦ରେ ପହଚିଂଛି ।
ସେପଟେ ଗତକାଲି ରାଜ୍ୟରେ ରେକର୍ଡ ସଂଖ୍ୟକ ଟେଷ୍ଟ ହୋଇଛି । ସର୍ବାଧିକ ୫୬ ହଜାର ୪ଶହ ଅଣାଅଶିଟି ନମୁନା ପରୀକ୍ଷା କରାଯାଇଛି । ସେମଧ୍ୟରୁ ୪୪ ହଜାର ୯ଶହ ପଚାଶ ଟି ଆଂଟିଜେନ ପରୀକ୍ଷା ହୋଇଥିବା ବେଳେ ୧୧ ହଜାର ୩ଶହ ଅଠାବନଟି ନମୁନା ଆରଟିପିସିଆର ମାଧ୍ୟମରେ ପରୀକ୍ଷା ହୋଇଛି । ଗଂଜାମ ଜିଲ୍ଲାରେ ସର୍ବାଧିକ ୭ହଜାର ୯ଶହ ପଂଚାବନଟି ନମୁନା ପରୀକ୍ଷା ହୋଇଛି । ୧୭୧ ଟି ନମୁନା ପରୀକ୍ଷା ଟ୍ରୁନାଟ ପଦ୍ଧତି ମାଧ୍ୟମରେ ହୋଇଥିବା ଜଣାପଡିଛି ।