କତାର ଜେଲରେ ବନ୍ଦ ଥିବା  ଭାରତର ୮ ଜଣ ପୂର୍ବତନ ନୌସେନା ଅଧିକାରୀଙ୍କ ମାମଲାରେ ଆସିପାରେ ଆଜି ବଡ଼ ଫଇସଲା । ଜେଲରୁ ମୁକ୍ତ କରାଯିବ କି ନାହିଁ ନିଷ୍ପତ୍ତି ଆଜି ନିଆଯିବ।

କତାର ଜେଲରେ ଥିବା ବନ୍ଦ ଥିବା ଆଠ ଜଣ ଅବସରପ୍ରାପ୍ତ ଭାରତୀୟ ନୌସେନା ଅଧିକାରୀଙ୍କ ଉପରେ ଆଜି ନିଷ୍ପତ୍ତି ନିଆଯିବ। ଏହି ଅଧିକାରୀମାନେ ଗତ ବର୍ଷ ଅଗଷ୍ଟରୁ ଜେଲରେ ଅଛନ୍ତି । ତାଙ୍କୁ ମୁକ୍ତ କରାଯିବ ନା ଜେଲରେ ରହିବେ ସେନେଇ ଆଜି ଏକ ବଡ ନିଷ୍ପତ୍ତି ନିଆଯିବ ।

ଅଗଷ୍ଟ ୨୦୨୨ ରୁ ଭାରତୀୟ ନୌସେନାର ଆଠଜଣ ପୂର୍ବତନ ଅଧିକାରୀ କାତାର ଜେଲରେ ରହିଛନ୍ତି । ଏହି ପୂର୍ବତନ ଅଧିକାରୀମାନଙ୍କ ବିରୋଧର ଗୁପ୍ତଚର ବୃତ୍ତି  କରିବାର ଅଭିଯୋଗ ରହିଛି ।  ଆଜି ସେମାନକର  ଭାଗ୍ୟପନ୍ଥା ସ୍ଥିର ହେବ । ଅଧିକାରୀମାନଙ୍କୁ ମୁକ୍ତ କରାଯିବ ନା ଜେଲରେ ରହିବାକୁ ପଡିବ ଗୁରୁବାର(ଆଜି) ସୂଚନା ଦିଆଯିବ।

କତାରର ଆଭ୍ୟନ୍ତରୀଣ ମନ୍ତ୍ରଣାଳୟ ଦ୍ୱାରା ଏହି ଅବସରପ୍ରାପ୍ତ ଅଧିକାରୀମାନଙ୍କୁ ଗିରଫ କରି କାରାଗାରରେ ବନ୍ଦୀ କରାଯାଇଥିଲା । ସେମାନଙ୍କୁ ଚଳିତ ବର୍ଷ ଅଗଷ୍ଟ ୩୦ ରେ ଗିରଫ କରାଯାଇ ଜେଲରେ ରଖାଯାଇଥିଲା । କିନ୍ତୁ କତାର କର୍ତ୍ତୃପକ୍ଷ ସେମାନଙ୍କ ମୁକ୍ତି ବିଷୟରେ କୌଣସି ସୂଚନା ଦେଇନାହାଁନ୍ତି ।

ପରିବାର ଲୋକେ ବାଟ ଚାହିଁ ବସିଛନ୍ତି ।

ଏହି ଆଠଜଣ ପୂର୍ବତନ ନୌସେନା ଅଧିକାରୀମାନଙ୍କ ନାମ ହେଉଛି କ୍ୟାପଟେନ ନବତେଜ ସିଂ ଗିଲ, କ୍ୟାପଟେନ ବିରେନ୍ଦ୍ର କୁମାର ବର୍ମା, କ୍ୟାପଟେନ ସୌରଭ ବୈଷ୍ଣବ, କମାଣ୍ଡର ଅମିତ ନାଗପାଲ, କମାଣ୍ଡର ପୁର୍ନେନ୍ଦୁ ତିୱାରୀ, କମାଣ୍ଡର ସୁଗୁନାକର ପାକାଲା, କମାଣ୍ଡର ସଞ୍ଜୀବ ଗୁପ୍ତା ଏବଂ ନାବିକ ରାଗେଶ । ଗୁପ୍ତଚର ଅଭିଯୋଗରେ ପଚରାଉଚରା ପାଇଁ ସମସ୍ତଙ୍କୁ ସ୍ଥାନୀୟ ବାସଭବନରୁ ଗିରଫ କରାଯାଇଥିଲା । ସେମାନଙ୍କ ପ୍ରତ୍ୟର୍ପଣ ନିଷ୍ପତ୍ତି ଉପରେ ସେମାନଙ୍କ ପରିବାର ଆଶାବାଦୀ ଅଛନ୍ତି। ଜଣେ ନୌସେନା ଅଧିକାରୀଙ୍କ ପରିବାର ସଦସ୍ୟ କହିଛନ୍ତି, “ଆମେ ଦୀପାବଳି ସୁଦ୍ଧା ସେମାନଙ୍କର  ଫେରିବା ପାଇଁ ଆଶା କରୁଛୁ।”

କତାର ଜେଲରେ ବନ୍ଦ ଥିବା  ଭାରତର ୮ ଜଣ ପୂର୍ବତନ ନୌସେନା ଅଧିକାରୀଙ୍କ ମାମଲାରେ ଆସିପାରେ ଆଜି ବଡ଼ ଫଇସଲା । ଜେଲରୁ ମୁକ୍ତ କରାଯିବ କି ନାହିଁ ନିଷ୍ପତ୍ତି ଆଜି ନିଆଯିବ।

କତାରର ଅମିର ସେମାନଙ୍କ ମୁକ୍ତି ଉପରେ ନିଷ୍ପତ୍ତି ନେବେ ବୋଲି ସେ ଆଶା ପ୍ରକଟ କରିଛନ୍ତି । ଏହି ପୂର୍ବତନ ମେରାଇନମାନେ ସେମାନଙ୍କୁ କ୍ଷମା କରିବାକୁ  କତାରର ଅମିରଙ୍କ ନିକଟରେ କ୍ଷମା ଆବେଦନ ଯାଚିକା ଦାୟର କରିଥିଲେ । ପରିବାର ସଦସ୍ୟଙ୍କ କହିବାନୁସାରେ  ଯେ କତାରର ଅମିର ବହୁତ ଦୟାଳୁ ଏବଂ ସେମାନଙ୍କର ଆବେଦନ ଉପରେ ବିଚାର କରାଯିବ ବୋଲି ଆଶା କରାଯାଉଛି ।  ଅଧିକାଂଶ ପୂର୍ବତନ ଅଧିକାରୀଙ୍କ ବୟସ ୬୦ ବର୍ଷରୁ ଅଧିକ | ତେଣୁ ଏହି ମାମଲା ଯୋଗୁଁ ସେମାନଙ୍କ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପଡିବ । ତାଙ୍କ ବିରୋଧରେ ଆସିଥିବା ଅଭିଯୋଗ ଉପରେ ମଧ୍ୟ କୌଣସି ସ୍ପଷ୍ଟତା ନାହିଁ ।

କତାରକୁ କାହିଁକି ଯାଇଥିଲେ ?

ଗିରଫ ହେବାର ଏକ ମାସ ପରେ ସମସ୍ତଙ୍କୁ ଦୋହାସ୍ଥିତ ବାସଭବନକୁ ଫେରି ସେମାନଙ୍କ ଜିନିଷପତ୍ର ପ୍ୟାକ୍ କରି ଭାରତକୁ ଫେରିବାକୁ କୁହାଯାଇଥିଲା । କିନ୍ତୁ ସେମାନଙ୍କ ସୁଟକେସ୍ ପ୍ୟାକ୍ କରିସାରିବା ପାରେ ହଠାତ ସେମାନଙ୍କୁ ପୁଣି ଗିରଫ କରି ଜେଲ ପଠାଯାଇଥିଲା । ସେବେଠାରୁ ସେମାନେ ନିଜର ସୁଟକେସ ସହିତ ଜେଲରେ ଅଛନ୍ତି । ସେମାନେ ଗତ କିଛି ମାସ ଧରି ଏକ କୋଠରି ମଧ୍ୟରେ ରହୁଛନ୍ତି ।  ଏହି ପୂର୍ବତନ ନୌସେନା ଅଧିକାରୀମାନେ ‘ଧାରା କନସଲଟାନ୍ସି’ରେ କାମ କରୁଥିଲେ । ଯାହାକୁ ଏହି ବର୍ଷ ଆରମ୍ଭରେ ବନ୍ଦ କରି ଦିଆଯାଇଥିଲା ।  ଦୋହାରେ ଥିବା ଭାରତୀୟ ରାଷ୍ଟ୍ରଦୂତ ତଥା ମିଶନଙ୍କ ତରଫରୁ କୁହାଯାଇଛି ଯେ 'ଅଧିକାରୀଙ୍କ ବିରୋଧରେ ଆସିଥିବା ଅଭିଯୋଗ ଉପରେ ସପ୍ତମ ଶୁଣାଣି ଅକ୍ଟୋବର ୩ ରେ ଅନୁଷ୍ଠିତ ହୋଇଥିଲା । ଦୋହାରେ ଭାରତର ରାଷ୍ଟ୍ରଦୂତ ଏବଂ ମିଶନର ଡେପୁଟି ଚିଫ୍ ଅକ୍ଟୋବର ମାସରେ ଏହି ଅଧିକାରୀମାନଙ୍କୁ ସାକ୍ଷାତ କରିଥିଲେ ।