କନକ ବ୍ୟୁରୋ : ଫୁଡ ଡେଲିଭରୀ କମ୍ପାନୀ ଜମାଟୋ ପୁଣିଥରେ ବିବାଦ ଘେରରେ ଛନ୍ଦି ହୋଇଯାଇଛି । ଏଥର ମାମଲା ହିନ୍ଦୀ ଭାଷାକୁ ନେଇ ଦେଖାଦେଇଛି । ଚେନ୍ନାଇର ଜଣେ ଗ୍ରାହକ ଅଭିଯୋଗ କରିଛନ୍ତି ଯେ କମ୍ପାନୀର ଜଣେ କର୍ମଚାରୀ ହିନ୍ଦୀ ଭାଷାକୁ ନେଇ ତାଙ୍କ ସହିତ ଯୁକ୍ତି କରିଥିଲେ । ଗ୍ରାହକ ଜଣଙ୍କ ଯୁକ୍ତିତର୍କର ଚାଟ୍ କୁ ସ୍କ୍ରିନସର୍ଟ ମାରି ଟ୍ୱିଟ୍ କରିଛନ୍ତି । ଏହାପରେ ଜମାଟୋ ତରଫରୁ କ୍ଷମା ପ୍ରାଥନା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟତଃ ବିକାଶ ନାମକ ଜଣେ ବ୍ୟକ୍ତି ଟ୍ୱିଟରରେ ଜମାଟୋ କର୍ମଚାରୀଙ୍କ ସହ ହୋଇଥିବା ଯୁକ୍ତିତର୍କର ଚାଟକୁ ସ୍କ୍ରିନସର୍ଟ ମାରି ଟ୍ୱିଟ୍ କରିଛନ୍ତି । ବିକାଶ କହିଛନ୍ତି କି ସେ ତାଙ୍କର ଅର୍ଡର ରିସିଭ୍ କରିବାକୁ ନେଇ କିଛି ଅସୁବିଧାରେ ପଡିଥିଲେ । ଏନେଇ ସେ ଜମାଟୋର କର୍ମଚାରୀଙ୍କୁ ରେଷ୍ଟୁରାଣ୍ଟ ସହ ଯୋଗା ଯୋଗ କରିବାକୁ ଅନୁରୋଧ କରିଥିଲେ । ଏହାକୁ ନେଇ ବିକାଶ କହିଥିଲେ କି ସେ ଏନେଇ ୫ ଥର ରେଷ୍ଟୁରାଣ୍ଟ ସହ ଯୋଗାଯୋଗ କରିବାକୁ ଚେଷ୍ଟା କରିଛନ୍ତି ହେଲେ ଭାଷା କାରଣରୁ ସେମାନଙ୍କ ସହ ସେ କଥା ହୋଇପାରୁ ନାହାଁନ୍ତି ।
ଏନେଇ ବିକାଶ କହିଛନ୍ତି ଯେ ଯଦି ଜମାଟୋ ତାମିଲନାଡୁରେ ସେବା ଦେଉଛି ତେବେ ତାଙ୍କୁ ଭାଷା ବୁଝିବା ପାଇଁ ଜଣେ ତାମିଲ ଭାଷୀ ଲୋକଙ୍କୁ କାମରେ ରଖିବାର ଆବଶ୍ୟକତା ରହିଛି । ଏନେଇ ବିକାଶ ତାଙ୍କ ଟଙ୍କା ଫେରସ୍ତ କରିବାକୁ କର୍ମଚାରୀଙ୍କୁ କହିଥିଲେ । ଜବାବରେ କର୍ମଚାରୀ ଜଣଙ୍କ କହିଥିଲେ କି ହିନ୍ଦୀ ଆମର ରାଷ୍ଟ୍ରଭାଷା ହୋଇଥିବାରୁ ସମସ୍ତଙ୍କୁ ଅଳ୍ପ ବହୁତ ହିନ୍ଦୀ ଜାଣିବାର ଆବଶ୍ୟକତା ରହିଛି । ଏହାସହ କର୍ମଚାରୀ ଜଣଙ୍କ ଟଙ୍କା ଫେରାଇବାକୁ ଅସମର୍ଥ ବୋଲି ସ୍ପଷ୍ଟ କରିଥିଲେ ।
ଏହି ଟ୍ୱିଟ୍ ସୋସିଆଲ ମିଡିଆରେ ଭାଇରାଲ ହେବା ପରେ ଜମାଟୋ ତରଫରୁ କ୍ଷମା ମଗାଯାଇଛି । ଜମାଟୋ ତରଫରୁ କୁହାଯାଇଛି କି ସେ ତାଙ୍କର କର୍ମଚାରୀଙ୍କ ବ୍ୟବହାର ପାଇଁ ଦୁଖିତ ।
ଅନ୍ୟପଟେ ଏହି ମାମଲାରେ ଡିଏମକେ ସାଂସଦ ସନ୍ଥିଲ କୁମାର ବିକାଶଙ୍କ ଟ୍ୱିଟ୍ ସେୟାର କରି ଜମାଟୋକୁ ଜବାବ ମାଗିଛନ୍ି । ସେ କହିଛନ୍ତି କି ହିନ୍ଦୀ କେବେ ଠାରୁ ରାଷ୍ଟ୍ର ଭାଷା ହେଲା, ତାମିଲନାଡୁ ଗ୍ରାହକମାନେ କାହିଁକି ହିନ୍ଦୀ ଜାଣିବେ ବୋଲି ସେ ଜମାଟୋକୁ ପ୍ରଶ୍ନ ପଚାରିଛନ୍ତି ।