୨୦୧୧ ବିଶ୍ୱକପ ହିରୋଙ୍କୁ କିଣିଲେନି କୌଣସି ଦଳ ! ବିକ୍ରି ହେଲେନି ଯୁବରାଜ ସିଂହ ।
କନକ ବ୍ୟୁରୋ : ଜୟପୁରରେ ଆଜି ଚାଲିଛି ଇଣ୍ଡିଆନ୍ ପ୍ରିମିୟର ଲିଗ୍ ୨୦୧୯ ପାଇଁ ନିଲାମୀ ପ୍ରକ୍ରିୟା । ୩୫୧ ଜଣ କ୍ରିକେଟ୍ ତାରକାଙ୍କ ନାଁ ନିଲାମୀ ପ୍ରକ୍ରିୟାରେ ରହିଥିବା ବେଳେ ଏଥିରେ ୨୨୮ ଜଣ ଭାରତୀୟ କ୍ରିକେଟର ମଧ୍ୟ ସାମିଲ ଅଛନ୍ତି । ଚଳିତବର୍ଷ ନିଲାମୀ ପ୍ରକ୍ରିୟା ପାଇଁ ସବୁଠୁ ଚର୍ଚ୍ଚାରେ ରହିଥିଲେ ଭାରତୀୟ ଖେଳାଳୀ ତଥା ଯୁବ ତାରକା ଯୁବରାଜ ସିଂହ । କିନ୍ତୁ ପ୍ରଥମ ପର୍ଯ୍ୟାୟ ନିଲାମୀ ପ୍ରକ୍ରିୟାରେ ଯୁବରାଜ ସିଂହଙ୍କୁ କୌଣସି ଦଳ କିଣିନାହାନ୍ତି । ପ୍ରଥମ ପର୍ଯ୍ୟାୟରେ ବିକ୍ରି ହୋଇନାହାନ୍ତି ଯୁବରାଜ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଅନ୍ୟ ଭାରତୀୟ ଖେଳାଳୀଙ୍କ ମଧ୍ୟରେ ମନୋଜ ତିୱାରୀ, ଚେତେଶ୍ୱର ପୂଜାରା, ନମନ ଓଝା, ରାହୁଲ ଶର୍ମା ମଧ୍ୟ ପ୍ରଥମ ପର୍ଯ୍ୟାୟରେ ବିକ୍ରି ହୋଇନାହାନ୍ତି । ତେବେ ଆଜି ନିଲାମୀ ପ୍ରକ୍ରିୟାରେ ପ୍ରଥମ ଭାରତୀୟ ଖେଲାଳୀ ଭାବେ ବିକ୍ରି ହୋଇଛନ୍ତି ହନୁମା ବିହାରୀ । ୨ କୋଟି ଟଙ୍କାରେ ଦିଲ୍ଲୀ କ୍ୟାପିଟାଲ୍ସ ତାଙ୍କୁ କିଣିଛି । ତେବେ ଏପର୍ଯ୍ୟନ୍ତ ସବୁଠାରୁ ଦାମୀ ଖେଳାଳୀ ଭାବେ ବିକ୍ରି ହୋଇଛନ୍ତି ଜୟଦେବ ଉନାଦକଟ୍ । ଏହି ଭାରତୀୟ ଖେଳାଳୀଙ୍କୁ ୮ କୋଟି ୪୦ ଲକ୍ଷ ଟଙ୍କାରେ କିଣିଛି ରାଜସ୍ଥାନ ରୟାଲ୍ସ ।