ସେନାରେ ଭର୍ତ୍ତି ପାଇଁ ଜାମ୍ମୁ-କାଶ୍ମୀରର ଯୁବପିଢ଼ିଙ୍କ ବଢ଼ିଲା ଜୋଶ୍, ବାରାମୁଲାରେ ଜମିଲା ଯୁବକଙ୍କ ଭିଡ
ଜାମ୍ମୁ-କାଶ୍ମୀରର ପୁଲୱାମାରେ ଆତଙ୍କବାଦୀ ଆକ୍ରମଣ ପରେ ପାକିସ୍ତାନ ଉପରେ ଜାମ୍ମୁ-କାଶ୍ମୀରର ଆଉ ଏକ ବର୍ଗ କ୍ରୋଧିତ ଥିବା ଦେଖିବାକୁ ମିଳିଛି । କିନ୍ତୁ ସେନା ଏମିତି ଏକ ଭିଡିଓ ଜାରି କରିଛି, ଯାହାପରେ କାଶ୍ମୀରର ଯୁବକଙ୍କ ପ୍ରତି ଆପଣଙ୍କ ଭାବନା ବଦଳିଯିବ । ସୋସିଆଲ ମିଡିଆରେ ସେନା ଏକ ଭିଡିଓ ଅପଲୋଡ୍ କରିଛି, ଯେଉଁଥିରେ ଅଧିକ ସଂଖ୍ୟାରେ କାଶ୍ମୀରର ଯୁବକ ସେନାରେ ସାମିଲ ହେବା ପାଇଁ ଏକାଠି ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେନା ଟ୍ୱିଟ୍ କରି କହିଛି କି, ସୈନ୍ୟଦଳରେ ସାମିଲ ହେବା ପାଇଁ କାଶ୍ମୀରର ଯୁବକ ଅଧିକ ସଂଖ୍ୟାରେ ଆସିଛନ୍ତି । ଗାଣ୍ଟାମୁଲା ଓ ବାରାମୁଲାରେ ଭର୍ତ୍ତି ପାଇଁ ଲୋକଙ୍କୁ ଡକାଯାଇଥିଲା । ଦେଶଭକ୍ତିର ମନୋଭାବ, ସେନାରେ ଭଲ ଜୀବନ ଓ କ୍ୟାରିୟରର ଏକ ବିଚାର କାଶ୍ମୀରର ଯୁବକଙ୍କୁ ଆକର୍ଷିତ କରେ । ସେଥିରେ ମଧ୍ୟ ପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଟ୍ୱିଟ୍ କରି କହିଛନ୍ତି କି, “କୁହନ୍ତି କି ପ୍ରତ୍ୟେକ ମୁଦ୍ରାର ଦୁଇଟି ପାଶ୍ୱର୍ ଥାଏ । ପାକିସ୍ତାନକୁ ଏହା ଦୃଢ଼ ଜବାବ, ଯିଏ ଭାବେ କି କିଛି ବିପଥଗାମୀ ଯୁବକଙ୍କୁ ବ୍ୟବହାର କରି କାଶ୍ମୀରକୁ ହାତେଇ ନେବ । କାଶ୍ମୀର ଆମର ଥିଲା, ଆମର ଅଛି ଓ ଆମର ରହିବ । ଜୟ ହିନ୍ଦ ।”
ପୁଲୱାମାରେ ୧୪ ଫେବୃୟାରୀକୁ ସିଆରପିଏଫର ଏକ ସମୂହ ଉପରେ ହୋଇଥିବା ଆତ୍ମଘାତୀ ଆକ୍ରମଣରେ ୪୦ ଯବାନ ସହିଦ ହେବା ପରେ ଦେଶର ଅନେକ ଭାଗରେ କିଛି କାଶ୍ମୀରୀ ଲୋକଙ୍କୁ ଟାର୍ଗେଟ କରାଯିବାର ଦାବି କରାଯାଉଛି ।