କନକ ବ୍ୟୁରୋ: ବାଲା ଓ ଉଜଡା ଚମନ ଭଳି ବଲିଉଡର ଅନେକ ଚଳଚିତ୍ର ସମାଜରେ ଚନ୍ଦା ଲୋକଙ୍କ ସମସ୍ୟା ଓ ଚିନ୍ତାକୁ ସୁନ୍ଦର ଭାବରେ ଚିତ୍ରିତ କରିଛି । ଚନ୍ଦାପଣ ବା ଚୁଟିଛିଡିବା ଭଳି ଚିତ୍ର ସ୍ୱାଭାବିକ ଭାବରେ ଲୋକଙ୍କୁ ଚିନ୍ତାରେ ପକାଉଛି ଓ ଏହାକୁ ଦୂର କରିବାର ଉପାୟ ସମାଜ ଖୋଜୁଛି । ଏହିଭଳି ସମୟରେ ଚୁଟି ଛିଡୁଥିବା ଲୋକଙ୍କ ପାଇଁ ବରଦାନ ସାଜିଛି ହେୟାର ଟ୍ରାନ୍ସପ୍ଲାଣ୍ଟ ଟେସନ୍ ବା ଚୁଟି ପ୍ରତିରୋପଣ । ଏହି ପଦ୍ଧତି ଆପଣେଇବା ପାଇଁ ଆଗେଇ ଆସୁଛନ୍ତି ଅନେକ ଜନତା । ଏହି ପ୍ରଣାଳୀକୁ ନେଇ ମଧ୍ୟ ଅନେକ ଲୋକ ଗବେଷଣା କରିବା ଆରମ୍ଭ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କନକ୍ ନ୍ୟୁଜର ହେଲ୍ଥ୍ କନକ୍ଲେଭରେ ଯୋଗଦେଇ ହେୟାର ଟ୍ରାନ୍ସପ୍ଲାଣ୍ଟ ଟେସନ ଉପରେ ଅଧିକ ସୂଚନା ଦେଇଥିଲେ ଭାରତର ଜଣେ ସୁଣା ଚର୍ମରୋଗ ବିଶେଷଜ୍ଞ ଡାକ୍ତର ପ୍ରଦୀପ ସେଠୀ । ତାଙ୍କ କହିବା ଅନୁସାରେ
-ସବୁ ବୟସର ଲୋକ ଚୁଟି ପ୍ରତିରୋପଣ କରିପାରିବେ
-ଶରୀରର ଯେ କୌଣସି ସ୍ଥାନରୁ ଚୁଟି ନେଇ ଚନ୍ଦାଥିବା ସ୍ଥାନରେ ପ୍ରତିରୋପଣ
-ଏହି ପ୍ରକ୍ରିୟାକୁ ଡାଇରେକ୍ଟ ହେୟାର ଟ୍ରାନ୍ସପ୍ଲାଣ୍ଟ କୁହାଯାଏ
-ଏହି ପ୍ରକ୍ରିୟା ୯୯ ପ୍ରତିଶତ ଫଳପ୍ରଦ
-ଏହା ଗୋଟିଏ କଳା ଅଟେ
-୭ ଦିନ ଭିତରେ କୌଣସି ପ୍ରତିକ୍ରିୟା ନହେଲେ ଏହା ସୁରକ୍ଷିତ
-ଭାରତରେ ପ୍ରତି ୧୦ ଜଣରେ ଜଣେ ଚୁଟି ପ୍ରତିରୋପଣ କରୁଛନ୍ତି
ସୁନ୍ଦର ଦିଶିବା ପାଇଁ ସମସ୍ତେ ଚାହାନ୍ତି । ଅନେକ ଲୋକ ଚିନ୍ତା କଲେଣି ଗୋଟିଏ ଜୀବନ ବଂଚିବାର ଅଛି ତେଣୁ ସୁନ୍ଦର ଦିଶିବା ପାଇଁ ସେମାନେ କିଛି ବି କରିପାରିବେ । ତେଣୁ ଏହି ବ୍ୟବସାୟର ଚାହିଦା ମଧ୍ୟ ବଢି ବଢି ଚାଲିଛି ।