ଦିନ ଦ୍ୱିପହରରେ ବୀଭତ୍ସ ହତ୍ୟାକାଣ୍ଡ: ବିବାହର ୩ ଦିନ ପୂର୍ବରୁ ଯୁବକଙ୍କୁ ମାରଣାସ୍ତ୍ରରେ ହାଣି ହତ୍ୟା କଲେ ଦୁର୍ବୃତ୍ତ
କନକ ବ୍ୟୁରୋ: ବିବାହର ୩ ଦିନ ପୂର୍ବରୁ ଯୁବକଙ୍କୁ ବୀଭତ୍ସ ହତ୍ୟା । ଦିନ ଦ୍ୱିପହରରେ ଖୋର୍ଦ୍ଧା ବୋଲଗଡ ଗୋପାଳପୁର ନୂଆସାହିରେ ଗାଁ ଦାଣ୍ଡରେ ଯୁବକଙ୍କୁ ବିଭତ୍ସ ଭାବେ ହତ୍ୟା କରିଛନ୍ତି ଦୁବୃର୍ତ୍ତ । ଗାଁ ଦାଣ୍ଡରେ ଯୁବକଙ୍କୁ ଗୋଡାଇ ଗୋଡାଇ ଧାରୁଆ ଅସ୍ତ୍ରରେ ହାଣିବା ପରେ ହତ୍ୟାକାରୀ ଫେରାର ହୋଇଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୃତକ ଓ ତାଙ୍କ ଗାଡି ଗାଁ ଦାଣ୍ଡରେ ପଡିରହିଥିଲା । ଏନେଇ ଖବର ପାଇ ଘଟଣାସ୍ଥଳରେ ବେଗୁନିଆ ପୋଲିସ୍ ପହଁଚି ଅନୁଧ୍ୟାନ କରୁଛି । ସୂଚନା ଅନୁଯାୟୀ ଦିନ ୧୨ଟା ୩୦ରେ ନୂଆସାହିର ଚିନ୍ମୟ ସାହୁ ଯାଉଥିବାବେଳେ ତାଙ୍କୁ ଗାଁ ଦାଣ୍ଡରେ ହତ୍ୟା କରାଯାଇଛି । ମୃତ ଚିନ୍ମୟଙ୍କର ଆସନ୍ତା ୨୧ତାରିଖରେ ବିବାହ ହୋଇଥାନ୍ତା । ତେବେ ହତ୍ୟାକାଣ୍ଡର କାରଣ କଣ ତାହା ସ୍ପଷ୍ଟ ହୋଇନାହିଁ ।