ଅପହରଣ ସମୟରେ ବର୍ତ୍ତିଗଲେ ଯୁବକ, ୨ ଅଭିଯୁକ୍ତଙ୍କୁ ଧରିପକାଇଲେ ସ୍ଥାନୀୟ ଲୋକେ, ଖସିଗଲେ ଅନ୍ୟ ୪
କନକ ବ୍ୟୁରୋ: ଯୁବକଙ୍କୁ ଅପହରଣ କରିବା ଯୋଜନା ପଣ୍ଡ । ରବିବାର ରାତିରେ ଅପହରଣକାରୀଙ୍କ କବଳରୁ ଖସିଯାଇଛନ୍ତି ଯୁବକ । ନିଜର ଉପସ୍ଥିତ ବୁଦ୍ଧି ଓ ସ୍ଥାନୀୟ ଲୋକଙ୍କ ସହଯୋଗରେ ଅଳ୍ପକେ ବର୍ତ୍ତିଯାଇଛନ୍ତି ଯୁବକ । ସ୍ଥାନୀୟ ଲୋକେ ୨ ଅପହରଣକାରୀଙ୍କୁ ଧରିଥିବାବେଳେ ଅନ୍ୟ ୪ଜଣ ଖସିପଳାଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତୁରିନ୍ତିରା ଜେନାସାହିର ମଣ୍ଟୁ ନାମକ ଯୁବକ ରାତି ପାଖାପାଖି ୧୦ଟା ସମୟରେ ଗାଁ ମୁଣ୍ଡ ରାସ୍ତାରେ ଛିଡା ହୋଇଥିବାବେଳେ ୩ଟି ବାଇକରେ ୬ଜଣ ଯୁବକ ଆସି ତାଙ୍କୁ ବଳପୂର୍ବକ ଉଠାଇନେବାକୁ ଚେଷ୍ଟା କରିଥିଲେ । କିନ୍ତୁ କିଛି ବାଟ ଯିବା ପରେ ଏକ ବୁଲାଣିରେ ବାଇକର ସ୍ପିଡ୍ କମିବା ଦେଖି ମଣ୍ଟୁ ବାଇକରୁ ଡେଇଁପଡିଥିଲେ । ତାଙ୍କ ଚିକ୍ରାର ଶୁଣି ପାଖ ଲୋକ ଦୌଡିଆସି ବାଇକର ପିଛା କରିଥିଲେ । ଫଳରେ ୨ ଦୁର୍ବୃତ୍ତ ଧରାପଡିଥିବାବେଳେ ଅନ୍ୟ ୪ଜଣ ଅଭିଯୁକ୍ତ ଖସିପଲାଇଛନ୍ତି ।