କନକ ବ୍ୟୁରୋ : ବାଲେଶ୍ୱର ବସ୍ତା ବ୍ଲକ କୋଠପଦା ଗାଁର ପାର୍ଥସାରଥୀ ସାହୁ ଏବଂ ଅମର୍ଦାରୋଡ ବଡଚାରିଗାଁର ରାଜକିଶୋର ସେନାପତି । ଉଭୟ ଇଞ୍ଜିନିୟରିଂ ପାସ କରିବା ପରେ ଚାକିରି ନକରି ନିଜ ଉଦ୍ୟମରେ କିଛି କରିବା ପାଇଁ ଯୋଜନା ପ୍ରସ୍ତୁତ କରିଥିଲେ । ପାର୍ଥସାରଥୀ ପାଠପଢ଼ା ପରେ ପେଟପାଟଣା ପାଇଁ ହାଇଦ୍ରାବାଦ, ଦିଲ୍ଲୀ ଓ ଦୁବାଇରେ ରହି କାମ କରୁଥିଲେ । ସେଠାରୁ ଚପଲ ତିଆରି କାମ ବିଷୟରେ ଜାଣିବା ପରେ ନିଜ ଗାଁରେ ଆରମ୍ଭ କରିଛନ୍ତି କାରଖାନା । ଯେଉଁଠି ସ୍ଥାନୀୟ ଅଂଚଳର ଲୋକଙ୍କୁ କାମ ଧନ୍ଦା ମିଳିପାରୁଛି । ସେହିପରି ରାଜକିଶୋର ସେନାପତି ମଧ୍ୟ ଦିଲ୍ଲୀର ଜଣେ ବନ୍ଧୁଙ୍କ ସହଯୋଗରେ କଂଚା ମାଲ ଆଣି ଜୋତା କାରଖାନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଏହି ଜୋତା କାରଖାନାରେ ସ୍କୁଲ ପିଲାଙ୍କ ପାଇଁ ଜୋତା ତିଆରି ହେଉଥିବା ବେଳେ ପରବର୍ତ୍ତୀ ସମୟରେ ବିଭିନ୍ନ ପ୍ରକାରର ଜୋତା ତିଆରି କରାଯିବ । ଜୋତା ତିଆରି ପାଇଁ ଦିଲ୍ଲୀ ସମେତ ଆଗ୍ରା ଏବଂ କଲିକତାରୁ କଞ୍ଚାମାଲ ଆଣିବାକୁ ପଡ଼ୁଛି । ଓଡିଶା ସମେତ ଦେଶର ବିଭିନ୍ନ ସ୍ଥାନକୁ ବିକ୍ରୀ ପାଇଁ ପଠାଇବା ଲକ୍ଷ ରଖିଛନ୍ତି ଯୁବ ଉଦ୍ୟୋଗୀ । ବର୍ତମାନ ଏହି କମ୍ପାନୀରେ କାର୍ଯ୍ୟ କରୁଥିବା ଶ୍ରମିକ ମାନଙ୍କୁ ୧୦ ହଜାରରୁ ୪୦ ହଜାର ପର୍ଯ୍ୟନ୍ତ ଦରମା ମିଳୁଛି । ତେବେ ସ୍ଥାନୀୟ ଅଂଚଳରେ ନିଯୁକ୍ତି ମିଳିଥିବାରୁ ବହୁତ ଖୁସି ଅଛନ୍ତି ବୋଲି କହିଛନ୍ତି କର୍ମଚାରୀ ।
ଦୁଇ ଯୁବ ଇଞ୍ଜିନିୟରଙ୍କ ଉଦ୍ୟମ ଯୋଗୁଁ ସ୍ଥାନୀୟ ଅଂଚଳର ବେକାର ଯ୍ୂବକ ଯୁବତୀ ମିଳୁଛି ରୋଜଗାର । ଏଥିପାଇଁ ସେମାନଙ୍କୁ ପ୍ରସଂସା କରିଛନ୍ତି ବସ୍ତା ଗୋଷ୍ଠୀ ଉନ୍ନୟନ ଅଧିକାରୀ ।