ପ୍ରେମିକାକୁ ଭେଟିବା ପାଇଁ ବାବା ବେଶରେ ଆସିଥିଲା ପ୍ରେମିକ । ପିଲା ଚୋର ସନ୍ଦେହରେ ଅଟକ ରଖିଲେ ଗ୍ରାମବାସୀ, ମାଡ ଖାଇବା ପରେ ସତ ମାନିଲା ପ୍ରେମିକ ।
କନକ ବ୍ୟୁରୋ : ବାବା ବେଶରେ ଆସିଥିଲେ ପ୍ରେମିକ । ପ୍ରେମିକାକୁ ଭେଟିବାକୁ ଆସି ହଟହଟା ହେଲେ ପ୍ରେମିକ । ଯାଜପୁର ରୋଡ଼ ଥାନା ଫେରୋକ୍ରୋମ୍ ଗେଟ୍ କଲୋନୀ ନିକଟରେ ଘଟିଛି ଏଭଳି ଏକ ଘଟଣା । ଯୁବକଙ୍କୁ ପିଲା ଚୋର ସନ୍ଦେହରେ କାବୁ କରି ପୋଲିସର ଜିମା ଦେଇଛନ୍ତି ସ୍ଥାନୀୟ ଲୋକ । ଯୁବକଙ୍କୁ ଥାନାରେ ଅଟକ ରଖି ପଚରା ଉଚରା କରୁଛି ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ପ୍ରେମିକାଙ୍କ ପରିବାର ଲୋକ ସେମାନଙ୍କ ପ୍ରେମ ସମ୍ପର୍କକୁ ସ୍ୱୀକାର କରୁନଥିବାରୁ ଅଭିନୟ କରି ପ୍ରେମିକାଙ୍କ ଘରକୁ ଯାଉଥିଲେ ପ୍ରେମିକ । ଅପରିଚିତ ଯୁବକଙ୍କୁ ବାବା ବେଶରେ ଦେଖି ସ୍ଥାନୀୟ ଲୋକ ପିଲା ଚୋର ବୋଲି ସନ୍ଦେହ କରିଥିଲେ । ତେବେ ସମ୍ପୃକ୍ତ ଯୁବକଙ୍କୁ କାବୁ କରିବା ପରେ ଲୋକମାନେ ପୋଲିସର ଜିମା ଦେଇଥିଲେ । ଏହି ଘଟଣାରେ ଅଧିକ ତଦନ୍ତ କରୁଛି ପୋଲିସ ।