ଡୁମୁଡ଼ୁମା ଅଞ୍ଚଳରେ ହତ୍ୟାକାଣ୍ଡ : ସାମାନ୍ୟ ବଚସାରୁ ଯୁବକଙ୍କୁ ଧାରୁଆ ଅସ୍ତ୍ରରେ ହାଣିଲେ ଅସାମାଜିକ ଯୁବକ; ପୋଲିସର ଛାନଭିନ ଜାରି
କନକ ବ୍ୟୁରୋ : ଗାଡି ଧକ୍କା ପରେ ଗଣ୍ଡଗୋଳ ଓ ତାପରେ ହତ୍ୟାକାଣ୍ଡ । ରାଜଧାନୀ ଭୁବନେଶ୍ୱରର ଡୁମୁଡୁମାରେ ଘଟିଛି ଏହି ବିଭତ୍ସ ହତ୍ୟାକାଣ୍ଡ । ସାମାନ୍ୟ ବଚସାରୁ ଯୁବକଙ୍କୁ ଧାରୁଆ ଅସ୍ତ୍ରରେ ହତ୍ୟା କରିଛନ୍ତି କିଛି ଅସାମାଜିକ ଯୁବକ । ମୃତ ଯୁବକ ହେଳେ ସନାତନ ରାଉତରାୟ । ଡୁମୁଡୁମା ଅଂଚଳରେ ମୋବାଇଲ ଦୋକନ କରିଥିଲେ ସନାତନ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ବିଳମ୍ବିତ ରାତିରେ ରାସ୍ତାରେ ଯାଉଥିବା ବେଳେ ଗାଡ଼ି ଧକ୍କାରୁ କିଛି ଯୁବକଙ୍କ ସହ ତାଙ୍କର ବଚସା ହୋଇଥିଲା । ଏହା ପରେ ସନାତନଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ ସେହି ଅସାମାଜିକ ଯୁବକ । ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ପୋଲିସ ପହଂଚି ସନାତନଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହ ଉଦ୍ଧାର କରିଥିଲା । ଭୁବନେଶ୍ୱର ଏମ୍ସ ହସ୍ପିଟାଲରେ ସନାତନଙ୍କ ମୃତଦେହ ବ୍ୟବଚ୍ଛେଦ ପାଇଁ ରଖାଯାଇଛି । ଖଣ୍ଡଗିରି ଥାନା ପୋଲିସ ଏନେଇ ତଦନ୍ତ ଜାରି ରଖିଛି । ତେବେ ଘଟଣାରେ ପୋଲିସ ୬ଜଣଙ୍କୁ ଉଠାଇ ନେଇଥିବା ବେଳେ ମୁଖ୍ୟ ଅଭିଯୁକ୍ତ କୁହାଯାଉଥିବା ରାଜା ଜୟ ସିଂ ଫେରାର ଅଛି ।