କନକ ବ୍ୟୁରୋ: ଜୀବନକୁ ପାଣି ଛଡାଇ ବିମାନର ଚକ ବା ଲ୍ୟାଣ୍ଡିଙ୍ଗ ଗିଅର ଉପରେ ବସି ନିଜ ଗନ୍ତବ୍ୟ ସ୍ଥଳରେ ପହଞ୍ଚିଲେ ଯୁବକ । ଆମେରିକାର ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଅଢେଇ ଘଣ୍ଟା ଧରି ବିମାନର ଚକା ଉପରେ ବସି ଯାତ୍ରା । ଏହାପରେ ସୁରକ୍ଷିତ ଭାବେ ବିମାନ ବନ୍ଦରରେ ଓହ୍ଲାଇଲେ ଯୁବକ । ଏହି ଦୃଶ୍ୟ ବିମାନ ବନ୍ଦରରେ ଥିବା ସମସ୍ତଙ୍କ କର୍ମଚାରୀଙ୍କୁ ଆଶ୍ଚର୍ଯ୍ୟ କରିଥିଲା । ଏହାପରେ ଯୁବକଙ୍କ ଏହି ଯାତ୍ରାକୁ ‘ମୃତ୍ୟୁର ଯାତ୍ରା’ ଭାବେ ଅଭିହିତ କରାଯାଇଛି ।
‘ଦ ଡେଲି ମେଲ’ର ରିପୋର୍ଟ ମୁତାବକ, ଆମେରିକା ଗୁଏତମାଲାରୁ ଉଡାଣ ଆରମ୍ଭ କରିଥିଲା ଏହି ବିମାନ । ହେଲେ ଯାତ୍ରୀଙ୍କ ମଧ୍ୟରୁ ଜଣେ ବିମାନର ଚକା ଉପରେ ବସି ଯାତ୍ରା କରିଥିଲା, ଯାହା ବାବଦରେ ସେଠିକାର କୌଣସି କର୍ମଚାରୀ ଜାଣିପାରିନଥିଲେ । ସେଠାରୁ ମିଆମି ପହଞ୍ଚିବାକୁ ବିମାନଟିକୁ ଅଢେଇ ଘଣ୍ଟାରୁ ଅଧିକ ସମୟ ଲାଗିଥିଲା । ଏତେ ସମୟ ଧରି ଯୁବକ ଜଣକ ଏୟାର ଗିୟର ପାଖରେ ଖୋଲା ଆକାଶରେ ଉଡି ଯାତ୍ରା କରିଥିଲା । ବିମାନଟି ୩୩,୦୦୦ ଫୁଟ ଉଚ୍ଚରେ ଉଡୁଥିଲା । ସବୁଠୁ ଆଶ୍ଚର୍ଯ୍ୟର କଥା ହେଉଛି ଏତ ଉଚ୍ଚରେ ଥାଇ ବି ଯୁବକ ଜଣକୁ ସମ୍ପୂର୍ଣ୍ଣ ସୁସ୍ଥ ଥିବା ଜଣାପଡିଛି ।
This man arrived to MIA in the landing gear of plane from a Guatemala flight. The flight was about two hours and thirty minutes and witness says he was unharmed😳✈️| #ONLYinDADE pic.twitter.com/qMPP5jjDvb
— ONLY in DADE (@ONLYinDADE) November 27, 2021
ମିଆମି ବିମାନବନ୍ଦରରେ ୨୬ ବର୍ଷିୟ ଏହି ଯୁବକକୁ ଲ୍ୟାଣ୍ଡିଙ୍ଗ ଗିଅର ଉପରେ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ତୁରନ୍ତ ଯୁବକକୁ ଲ୍ୟାଣ୍ଡିଙ୍ଗ ଗୁଅରରୁ ବାହାର କରି ଚିକିତ୍ସା ପାଇଁ ନିଆଯାଇଥିଲା । ସେଠାରେ ତାଙ୍କର ସ୍ୱାସ୍ଥ୍ୟ ପରୀକ୍ଷା କରିବା ପରେ ସେ ସମ୍ପୂର୍ଣ୍ଣ ସୁସ୍ଥ ଥିବା ଜଣାପଡିଛି । ଅନ୍ୟ ପଟେ ବିମାନରେ ନ ଆସି ଲ୍ୟାଣ୍ଡିଙ୍ଗ ଗିଅର ଉପରେ କାହିଁକି ଯାତ୍ରା କଲେ ସେ ନେଇ ପୋଲିସ ପଚରାଉଚୁରା କରିଥିଲେ ବି ଏହାର କାରଣ ଜଣାପଡିନାହିଁ ।