ଅଯୋଧ୍ୟା ରାୟ ପ୍ରକାଶ ପୂର୍ବରୁ ଅଯୋଧ୍ୟା ଉପରେ ନିଜର ମତ ରଖିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ଏକ ସାକ୍ଷାତକାରକାରରେ ଅଂଶଗ୍ରହଣ କରି ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଦେଶର ନ୍ୟାୟ ବ୍ୟବସ୍ଥା ଉପରେ ଆମ ସମସ୍ତଙ୍କର ଆସ୍ଥା ଓ ବିଶ୍ବାସ ରହିଛି। ବିଜେପି ସରକାର ଅଯୋଧ୍ୟାକୁ ଏକ ‘ଅଲଗା ଓ ସ୍ବତନ୍ତ୍ର ପରିଚୟ’ ଦେବାକୁ ଚାହୁଁଛନ୍ତି। ଏଥିପାଇଁ ଉଭୟ କେନ୍ଦ୍ର ଓ ଉତ୍ତରପ୍ରଦେଶର ବିଜେପି ସରକାରଙ୍କ ପକ୍ଷରୁ ବହୁବିଧ କାର୍ୟ୍ୟକ୍ରମମାନ ଗ୍ରହଣ କରାଯାଇଛି।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ଯୋଗୀଙ୍କୁ ଯେତେବେଳେ ଅନ୍ୟ ଏକ ପ୍ରଶ୍ନରେ ପଚରା ଯାଇଥିଲା ଯେ ଆପଣ କ’ଣ ଆପଣଙ୍କ ପୂର୍ବସୂରୀ କଲ୍ୟାଣ ସିଂହଙ୍କ ପରି ‘ଇତିହାସ ସୃଷ୍ଟି’ କରିବେ; ଯାହାଙ୍କ ମୁଖ୍ୟମନ୍ତ୍ରିତ୍ବ କାଳରେ ବାବ୍ରି ମସଜିଦ୍ ଭଙ୍ଗା ଯାଇଥିଲା? ଏ ପ୍ରଶ୍ନର ଉତ୍ତର ରଖିବାକୁ ଯାଇ ମୁଖ୍ୟମନ୍ତ୍ରୀ ଯୋଗୀ କହିଥିଲେ, ‘ଯୋଗୀ ମାନଙ୍କର ଜନ୍ମ ସବୁବେଳେ ଇତିହାସ ସୃଷ୍ଟି ପାଇଁ ହିଁ ହୋଇଥାଏ’।