‘ତୁମକୁ ଯମରାଜଙ୍କ ପାଖକୁ ପଠାଇବାକୁ ମୋତେ କେହି ରୋକିବେନି’: ମହିଳାଙ୍କୁ ଅସଦାଚରଣ କରୁଥିବା ଅମାନିଆଙ୍କୁ ଯୋଗୀଙ୍କ ଚେତାବନୀ
କନକ ବ୍ୟୁରୋ: ‘ମୁଁ ଆଗରୁ ବି କହିଛି ମୋ ରାଜ୍ୟରେ ସବୁବେଳେ ଝିଅ ଓ ମହିଳାଙ୍କୁ ସୁରକ୍ଷା ଦିଆଯିବ । ଯଦି ଶାସନ କାଳରେ କୌଣସି ମହିଳାଙ୍କୁ ହଇରାଣ କରିବାକୁ କେହି ଚେଷ୍ଟା କଲା, ତାହେଲେ ଜାଣିନେବ ଆଗରେ ଯମରାଜ ଜଗିଛନ୍ତିି । ଅଭିଯୁକ୍ତଙ୍କୁ ଯମରାଜଙ୍କ ପାଖକୁ ପଠାଇବାକୁ ମୋତେ କେହି ରୋକିପାରିବେନି’ । ରାମଲୀଳା ମୈଦାନରେ ଆୟୋଜକ ସ୍ୱତନ୍ତ୍ର କାର୍ଯ୍ୟକ୍ରମରେ ଜନସଭାକୁ ସମ୍ବୋଧନ କରି ସମୟରେ ଏଭି ଚେତାବନୀ ଦେଇଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଯୋଗୀ ଆଦିତ୍ୟନାଥ ମାନସରୋବର ରାମଲୀଲା ମୈଦାନରେ ଆୟୋଜିତ ସମାରୋହରେ ୩୪୩ କୋଟି ଟଙ୍କାର ବିକାଶ ପ୍ରକଳ୍ପର ଶିଳାନ୍ୟାସ କରିବାକୁ ଯାଇଥିଲେ । ଏହି କ୍ରମରେ ସେ ଦେଶର ଆଇନ ବ୍ୟବସ୍ଥା ପ୍ରସଙ୍ଗ ଉଠାଇଥିଲେ ଏବଂ ଏହାର ଅପବ୍ୟବହାରକାରୀଙ୍କ ୁ ଚେତାବନୀ ମଧ୍ୟ ଦେଇଥିଲେ ।
ନିକଟରେ ଆମ୍ବେଦକରନଗରରେ କିଛି ଯୁବକ ଜଣେ ଯୁବତୀଙ୍କ ଦୁପଟ୍ଟା ଟାଣି ଦେବାରୁ ପଡିଯାଇ ତାଙ୍କ ମୃତ୍ୟୁ ହୋଇଥିଲା । ଅଭିଯୁକ୍ତଙ୍କୁ ପୁଲିସ ଗିରଫ କରିନେବା ଘଟଣା ଉଠାଇଥିଲେ ଯୋଗୀ କହିଥିଲେ, ‘ମହିଳଙ୍କ ସୁରକ୍ଷା ପାଇଁ ଆଇନକାନୁନ ରହିଛି । ଯଦି କେହି ଏହାର ଉଲଂଘନ କରେ ତେବେ ଜାଣିନେବ ଆଗରେ ଯମରାଜ ଅପେକ୍ଷା କରିଛନ୍ତି । ସେମାନଙ୍କୁ ଯବରାଜଙ୍କ ପାଖକୁ ପଠାଇବାକୁ କେହି ରୋକିପାରିବେନି’ ।