ମଧ୍ୟପ୍ରଦେଶ ମନ୍ତ୍ରୀଙ୍କ ଅଜବ ଯୁକ୍ତି : କହିଲେ, ଲୋକଙ୍କ ରୋଜଗାର ବଢ଼ୁଛି, ତେଲ ଦର ବଢ଼ିଲେ କ୍ଷତି କ’ଣ ? 

କନକ ବ୍ୟୁରୋ : ଦେଶରେ ମହଙ୍ଗା ମାଡକୁ ନେଇ ଲୋକେ ଅସ୍ତବ୍ୟସ୍ତ ହୋଇପଡ଼ିଲେଣି । ବିରୋଧୀ ମଧ୍ୟ ମୋଦୀ ସରକାରଙ୍କୁ ବାରମ୍ବାର ଘେରୁଛନ୍ତି । ଏହାର ଭିତରେ ମଧ୍ୟପ୍ରଦେଶ ଶିବରାଜ ସିଂହ ସରକାରର ମନ୍ତ୍ରୀ ଏନେଇ ଏକ ଅଜବ ଯୁକ୍ତି ବାଢିଛନ୍ତି । ତୈଳ ଦର ଲଗାତର ବୃଦ୍ଧି ନେଇ କରାଯାଇଥିବା ପ୍ରଶ୍ନରେ ମନ୍ତ୍ରୀ ଉତର ଦେଇ ମନ୍ତ୍ରୀ ମହେନ୍ଦ୍ର ସିଂହ ସିସୋଦିଆ କହିଛନ୍ତି, କିଛି ବର୍ଷ ହେବ ଲୋକଙ୍କ ରୋଜଗାର ବଢୁଛି ।

Kanak News is now on WhatsApp

Join and get latest news updates delivered to you via WhatsApp

Join Now

#WATCH | “Hasn’t income of the common man increased? Govt can’t give everything for free. People should understand that if their income is rising, then they will have to accept inflation also,” says Madhya Pradesh Minister Mahendra Singh Sisodia in Indore pic.twitter.com/kpTdogH0Rh

— ANI (@ANI) October 31, 2021

ଯଦି କିଛି ସାମଗ୍ରୀର ଦର ବୃଦ୍ଧି ହେଉଛି ଏହାକୁ ଗ୍ରହଣ କରିବା ଆବଶ୍ୟକ । ସେ ଆହୁରି ବି କହିଛନ୍ତି, ସରକାର ସବୁକିଛି ମାଗଣାରେ ଦେଇପାରିବେ ନାହିଁ । ଏଥିରୁ ସରକାର ମଧ୍ୟ ରାଜସ୍ୱ ପାଆନ୍ତି। ସମସ୍ତ ବିକାଶ କାର୍ଯ୍ୟ ମଧ୍ୟ ଚାଲିଛି । ଜନସାଧାରଣ ବୁଝିବା ଉଚିତ୍ ଯେ ଯଦି ଆମର ଆୟ ବୃଦ୍ଧି ପାଉଛି, ତେବେ ମହଙ୍ଗାକୁ ମଧ୍ୟ ଗ୍ରହଣ କରାଯିବା ଉଚିତ୍ । ମନ୍ତ୍ରୀ ମହେନ୍ଦ୍ର ସିଂ ସିସୋଡିଆ ଆହୁରି କହିଛନ୍ତି, “ଆପଣ କହିପାରିବେ ନାହିଁ, ୧୦ ବର୍ଷ ପୂର୍ବେ ମୁଁ ୬ ହଜାର ଟଙ୍କା ବେତନ ପାଉଥିଲି ଏବଂ ଆଜି ମୁଁ ୫୦ ହଜାର ଟଙ୍କା ବେତନ ପାଉଛି । ତେବେ ଆପଣ କୁହନ୍ତୁ ଯେ ପେଟ୍ରୋଲ ଏବଂ ଡିଜେଲର ମୂଲ୍ୟ ୧୦ ବର୍ଷ ପୂର୍ବେ ଯାହା ଥିଲା ଏବେ ବି ସେହି ମୂଲ୍ୟ ରହିବ , ଏହା ସମ୍ଭବ ନୁହେଁ ।

ସେ କହିଛନ୍ତି ଯେ ଯେଉଁ କର୍ମଚାରୀମାନେ ୫ ହଜାର ଟଙ୍କା ବେତନ ପାଉଥିଲେ ସେମାନେ ଆଜି ୨୫-୩୦ ହଜାର ଟଙ୍କା ବେତନ ପାଉନାହାଁନ୍ତି କି ? ବ୍ୟବସାୟୀମାନେ ଅଧିକ ମୂଲ୍ୟ ପାଉନାହାଁନ୍ତି କି ? ପନିପରିବା ଚାଷୀଙ୍କ ମୂଲ୍ୟ ବୃଦ୍ଧି ହୋଇନାହିଁ କି ? ପ୍ରତ୍ୟେକ ଶ୍ରେଣୀର ଆୟ ବୃଦ୍ଧି ପାଇଛି । କଂଗ୍ରେସ ସରକାରରେ ମହଙ୍ଗା ହୋଇନଥିଲା କି ବୋଲି ସେ ପ୍ରଶ୍ନ କରିଛନ୍ତି ।