ୟେସ ବ୍ୟାଙ୍କରେ ମହାପ୍ରଭୁଙ୍କ ଟଙ୍କା ଜମା ପ୍ରସଙ୍ଗରେ ସରକାରଙ୍କୁ ଘେରିଲା ବିଜେପି । ବାଲାର୍ଜୀ ଟ୍ରଷ୍ଟ ଟଙ୍କା କାଢ଼ିନେଇଥିବାବେଳେ ଶ୍ରୀମନ୍ଦିର ପ୍ରଶାସନ କାହିଁକି ଚୁପ୍ ବସିଥିଲା ବୋଲି ପ୍ରଶ୍ନ କଲେ ପୃଥ୍ୱୀରାଜ
କନକ ବ୍ୟୁରୋ: ୟେସ୍ ବ୍ୟାଙ୍କରେ ଜମା ହୋଇଥିବା ମହାପ୍ରଭୁଙ୍କ କୋଟି କୋଟି ଟଙ୍କା ସୁରକ୍ଷିତ ନଥିବା ଖବର ସାମନାକୁ ଆସିବା ପରେ ସରକାରଙ୍କୁ ଘେରିଛି ବିଜେପି । ବିଜେପି ନେତା ପୃଥ୍ୱୀରାଜ ହରିଚନ୍ଦନ ସାମ୍ବାଦିକ ସମ୍ମିଳନୀ କରି ସରକାରଙ୍କୁ ପ୍ରଶ୍ନ କରିଛନ୍ତି । ପଚାରିଛନ୍ତି ବ୍ୟାଙ୍କ ବୁଡିବାକୁ ବସିଥିବା ଜାଣିବା ସତ୍ୱେ କାହିଁକି ୟେସ୍ ବ୍ୟାଙ୍କରେ ଜଗନ୍ନାଥଙ୍କ ଟଙ୍କା ରଖିଲେ ସରକାର । ସରକାର ମହାଭୁଲ କରିଛନ୍ତି । ପ୍ରଭୁ ଜଗନ୍ନାଥଙ୍କ ଟଙ୍କାକୁ ହଡପ କରିଛନ୍ତି । ଏବେ ଏହାର ଉତର ଦାୟିତ୍ୱ କିଏ ନେବ । ଦେବୋତ୍ତର ବିଭାଗ ନା ମନ୍ତ୍ରୀ । ଡିପୋଜିଟ୍ ସ୍ୱାପିଙ୍ଗରେ ଅନିୟମିତତା ହୋଇଛି । ତେଣୁ ଏହାର ନିରପେକ୍ଷ ସଂସ୍ଥା ଦ୍ୱାରା ତଦନ୍ତ କରିବା ସହ ଶ୍ୱେତପତ୍ର ପ୍ରକାଶ କରିବାକୁ ସେ ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶ୍ରୀମନ୍ଦିରର କୋଟି କୋଟି ଟଙ୍କା ୟେସ୍ ବ୍ୟାଙ୍କରେ ଫସି ରହିଥିବାବେଳେ ସାମାନାକୁ ଆସିଛି କିଭଳି କଟକଣା ଜାରି ପୂର୍ବରୁ ଗୁଜୁରାଟ କମ୍ପାନୀ ଉଠାଇ ନେଇଛି ୨୬୫ କୋଟି ଟଙ୍କା । ୟେସ୍ ବ୍ୟାଙ୍କ ଉପରେ ରିଜର୍ଭ ବ୍ୟାଙ୍କ ଟଙ୍କା ଉଠାଇବାର କଟକଣା ଗତ ୫ ତାରିଖରେ ଲଗାଇଥିଲା । କିନ୍ତୁ ଏହାର ମାତ୍ର କିଛି ଘଂଟା ପୂର୍ବରୁ ଗୁଜୁରାଟର ଏକ କମ୍ପାନୀ ୨୬୫ କୋଟି ଟଙ୍କା ଉଠାଇ ନେଇଛି ।
ଭଦୋଦରା ମହାନଗର ନିଗମ ପକ୍ଷରୁ ଗଠିତ ସ୍ପେଶାଲ ପରପୋଜ ଭେଇକିଲ୍ ଭଦୋଦରା ସ୍ମାର୍ଟ ସିଟି ଡେଭଲପମେଂଟ ଗତ ମଙ୍ଗଳବାର ଏହି ବ୍ୟାଙ୍କରୁ ୨୬୫ କୋଟି ଟଙ୍କା ଉଠାଇ ନେଇଥିଲା । କମ୍ପାନି ଏହି ଟଙ୍କାକୁ ୟେସ୍ ବ୍ୟାଙ୍କରୁ ଏକ ରାଷ୍ଟ୍ରାୟତ ବ୍ୟାଙ୍କକୁ ସ୍ଥାନାନ୍ତର କରି ନେଇଛି । ଫଳରେ ଏହି କମ୍ପାନୀ ନଗଦ ଅର୍ଥ ଜନିତ ସଂକଟରୁ ବଂଚି ଯାଇଛି । ହେଲେ ଏପଟେ କର୍ତୁପକ୍ଷଙ୍କ ଅବହେଳା ଯୋଗୁଁ ୟେସ୍ ବ୍ୟାଙ୍କରେ ଫସି ଯାଇଛି ଶ୍ରୀମନ୍ଦିରର ୫୪୫ କୋଟି ଟଙ୍କା ।