ପରଲୋକରେ ଜାପାନର ପୂର୍ବ ପ୍ରଧାନମନ୍ତ୍ରୀ : ଜାପାନ ପୂର୍ବ ପ୍ରଧାନମନ୍ତ୍ରୀ ୟାସୁହିରୋ ନାକାସୋନେଙ୍କ ୧୦୧ ବର୍ଷରେ ପରଲୋକ
ଜାପାନର ପୂର୍ବତନ ପ୍ରଧାନମନ୍ତ୍ରୀ ୟାସୁହିରୋ ନାକାସୋନେଙ୍କ ୧୦୧ ବର୍ଷରେ ପରଲୋକ ହୋଇଯାଇଛି । ଗଣମାଧ୍ୟମରୁ ଶୁକ୍ରବାର ଏହାର ସୂଚନା ମିଳିଛି । ୧୯୮୨ ନଭେମ୍ବରରୁ ୧୯୮୭ ମସିହା ଯାଏଁ ନାକାସୋନେ ଜାପାନର ପ୍ରଧାନମନ୍ତ୍ରୀ ଭାବେ କାର୍ଯ୍ୟରତ ଥିଲେ । ଜାତୀୟ ଗଣମାଧ୍ୟମ ରିପୋର୍ଟ ଅନୁଯାଇ, ଜାପାନର ପ୍ରତିରକ୍ଷା ବ୍ୟବସ୍ଥା ସଂପ୍ରସାରଣ କରିବାରେ ତାଙ୍କର ଅନେକ ମହାନତା ଅଛି ଏବଂ ସେ ଏହାପାଇଁ ବହୁତ ଜଣାସୁଣା ହୋଇପାରିଛନ୍ତି । 
Kanak News is now on WhatsApp
Join and get latest news updates delivered to you via WhatsApp
ନାକାସୋନେ ଟୋକିଓର ଏକ ଘରୋଇ ମେଡିକାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସେ ରାଜନୀତିରେ ଖୁବ୍ ଦକ୍ଷ ଥିଲେ । ନାକାସୋନେ ଜଣେ କୁଟନୀତିଜ୍ଞ ହୋଇଥିବାରୁ ଆମେରିକାର ତତକାଳୀନ ରାଷ୍ଟ୍ରପତି ରୋନାଲ୍ଡ ରିଗନଙ୍କ ସହିତ ୧୯୮୦ ଦଶକର ସମ୍ପର୍କ ରଖିପାରିଥିଲେ । ନିଜ କାର୍ଯ୍ୟକାଳ ସମୟରେ ଜାପାନର ରାଷ୍ଟ୍ରୀୟ ରେଳବାଇ ପ୍ରଣାଳୀକୁ ଘରୋଇକରଣ କରିବା ଦିଗରେ କାମ କରିଥିଲେ । ୧୯୧୮ ମସିହାରେ ଗୁମନା ରାଜ୍ୟର ତକସାକି ସହରରେ ଜନ୍ମଗ୍ରହଣ କରିଥିଲେ । ସେ ୧୯୪୭ରେ ରାଜନୀତିରେ ପ୍ରବେଶ କରିଥିଲେ ।