ଭାରତୀୟ ପାଣିପାଗ ବିଭାଗର ତାଜା ସୂଚନା । ପାରାଦୀପରୁ ୫୭୦ କିମି ଦୂରରେ ୟାସ୍ । ବାଲେଶ୍ୱରଠୁ ୬୭୦ କିମି ଦୂରରେ…
କନକ ବ୍ୟୁରୋ: ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଆଜି ଅବପାତରେ ପରିଣତ ହୋଇ ଏବେ ଓଡିଶା ମୁହାଁ ହୋଇଛି । ଆସନ୍ତାକାଲି ଏହା ଆହୁରି ଘନୀଭୂତ ହେବା ସହିତ ଗଭୀର ଅବପାତ ବା ଡିପ୍ ଡ୍ରିପେସନରେ ପରିଣତ ହେବ । ତେବେ ଭାରତୀୟ ପାଣିପାଗ ବିଭାଗର ତାଜା ସୂଚନା ଅନୁଯାୟୀ ଏବେ ଏହା ପାରାଦୀପଠାରୁ ୫୭୦ କିଲୋମିଟର ଦୂରରେ ଥିବାବେଳେ, ବାଲେଶ୍ୱରଠାରୁ ୬୭୦ କିଲୋମିଟର ଦୂରରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ପଶ୍ଚିମବଙ୍ଗର ଦୀଘାଠାରୁ ୬୫୦, ଆଣ୍ଡାମାନର ପୋର୍ଟ ବ୍ଲେୟାର ପାଖରୁ ଏହି ଅବପାତ ଏବେ ୫୯୦ କିମି ଦୂରରେ ରହିଛି । ଗତ ୬ ଘଂଟା ହେଲା ଏହା ସମୁଦ୍ର ଭିତରେ ଘଣ୍ଟାକୁ ୫ କିମି ବେଗରେ ଗତି କରୁଥିବାବେଳେ ୨୪ ମେ ସକାଳୁ ଏହା ଗଭୀର ଅବପାତର ରୂପ ନେଇପାରେ ବୋଲି ଆକଳନ କରାଯାଇଛି ।
ଅନ୍ୟପଟେ ଏହି ବାତ୍ୟା କେଉଁଠି ଲ୍ୟାଣ୍ଡଫଲ କରିବ ତାହା ଏବେ ସବୁଠୁ ଗୁରୁତ୍ୱପୂର୍ଣ୍ଣ ବିଷୟ ହୋଇପଡିଛି । ଭାରତୀୟ ପାଣିପାଗ ବିଭାଗର ଆକଳନ ଅନୁସାରେ ଏହା ଓଡିଶା ଏବଂ ପଶ୍ଚିମବଙ୍ଗ ଭିତରେ ପାରାଦୀପ ଏବଂ ସାଗର ଦ୍ୱୀପ ଭିତରେ ଲ୍ୟାଣ୍ଡଫଲ କରିପାରେ ।