ସରିଲା ଆଇପିଏଲ୍ ଲିଗ୍ ପର୍ଯ୍ୟାୟ ମ୍ୟାଚ୍ । ଟେଷ୍ଟ ଚାମ୍ପିୟନସିପ୍ ଫାଇନାଲ ପାଇଁ ଇଂଲଣ୍ଡ ବାହାରିଲେ ଖେଳାଳି । ଜାଣନ୍ତୁ, କିଏ କିଏ ଗଲେ ଇଂଲଣ୍ଡ…
କନକ ବ୍ୟୁରୋ: ଆଜିଠୁ ଆରମ୍ଭ ହେଉଛି ଆଇପିଏଲ୍ ପ୍ଲେ-ଅଫ୍ । ଆସନ୍ତା ୨୮ ତାରିଖରେ ଏହି ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ୍ ଖେଳାଯିବ । ତେବେ ଏହି ମ୍ୟାଚର ପରେ ପରେ ଆସନ୍ତା ଜୁନ୍ ୭ ତାରିଖରେ ଅଷ୍ଟ୍ରେଲିଆ ସହ ବିଶ୍ୱ ଟେଷ୍ଟ ଚାମ୍ପିୟନସିପ୍ ଫାଇନାଲ ଖେଳିବ ଭାରତ । ଏଥିପାଇଁ ଏବେଠୁ ଇଂଲଣ୍ଡ ଗସ୍ତରେ ବାହାରି ପଡିଛନ୍ତି ଟିମ୍ ଇଣ୍ଡିଆର ଖେଳାଳି । ମଙ୍ଗଳବାର ଦଳର କିଛି ଖେଳାଳି ଏବଂ ସପୋର୍ଟ ଷ୍ଟାଫଙ୍କୁ ମିଶାଇ ମୋଟ ୨୦ ଜଣ ସଦସ୍ୟ ଇଂଲଣ୍ଡ ଗସ୍ତରେ ଯାଇଛନ୍ତି । ଏଥିସହିତ ଆସନ୍ତା ୩୦ ତାରିଖ ସୁଦ୍ଧା ସମସ୍ତ ଖେଳାଳି ଇଂଲଣ୍ଡରେ ପହଞ୍ଚିବେ ବୋଲି ସୂଚନା ମିଳିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଖାସ୍ କରି, ଯେଉଁ ଟିମ ଆଇପିଏଲ୍ ପ୍ଲେ ଅଫରୁ ବାଦ୍ ପଡିଛନ୍ତି, ସେହି ଦଳର ଖେଳାଳି ଏବେ ଇଂଲଣ୍ଡ ଗସ୍ତରେ ବାହାରି ପଡିଛନ୍ତି । ଅକ୍ଷର ପଟେଲ, ସାର୍ଦ୍ଦୁଲ ଠାକୁର ଏବଂ ମହମ୍ମଦ ସିରାଜଙ୍କ ଭଳି ଖେଳାଳି ଇଂଲଣ୍ଡ ଗସ୍ତରେ ଯାଇଛନ୍ତି । ତେବେ ବିରାଟ କୋହଲି ଏବଂ ଅଶ୍ୱିନୀଙ୍କ ଆଇପିଏଲ୍ ମ୍ୟାଚ୍ ଶେଷ ହୋଇଥିଲେ ବି ସେମାନେ ଆସନ୍ତାକାଲି ଇଂଲଣ୍ଡ ଯାଇପାରନ୍ତି ବୋଲି କୁହାଯାଉଛି ।
ଅନ୍ୟପଟେ ଉମେଶ ଯାଦବଙ୍କ ସହିତ ନେଟ୍ ବୋଲର ଆକାଶ ଦୀପ, ପୁଲକିତ ନାରଙ୍ଗ, ଅନିକେତ ଚୌଧୁରୀ, ପୃଥ୍ୱୀରାଜ ୟାରା ପ୍ରଥମ ପର୍ଯ୍ୟାୟରେ ଇଂଲଣ୍ଡ ବାହାରିଛନ୍ତି । ତେବେ ବିସିସିଆଇର ପ୍ଲାନ୍ ମୁତାବକ, ଆଇପିଏଲ୍ ଶେଷ ହେବା ପରେ ପ୍ରାୟ ସମସ୍ତ ଖେଳାଳି ଇଂଲଣ୍ଡରେ ପହଞ୍ଚିଯିବେ ।