କନକ ବ୍ୟୁରୋ: ମିଛ ବିବାହର ରେକର୍ଡ କରି ସାରା ଦେଶରେ ଚହଲ ପକାଇଥିବା ନକଲି ଡାକ୍ତର ରମେଶ ସ୍ୱାଇଁଙ୍କ ଉପରେ ବହି ଲେଖିବେ ମହିଳା ଲେଖିକା । ପ୍ରତି କଥାରେ ମିଛ କହି କହି ନିଜ ପତ୍ନୀଙ୍କୁ ଅନ୍ଧାରରେ ରଖି କିଭଳି ଏହି ଠକ ରାଜ୍ୟ ରାଜ୍ୟ ବୁଲି ବିବାହ ନାଁରେ ଲୁଟ କରୁଥିଲା , ଏହି କାହାଣୀ ଟିଭି ପରଦାରେ ଚର୍ଚ୍ଚା ସୃଷ୍ଟି କରିଥିଲା । ଆଉ ଏବେ ଏହି ଧ୍ରୁତ ଠକର କାହାଣୀ ବହିରେ ଲେଖାହେବାକୁ ଯାଉଛି । ବାବୁଙ୍କ କାଣ୍ଡକାରନାମାର ପ୍ରତିଟି ଘଟଣା କ୍ରମକୁ ଗୋଟି ଗୋଟି କରି ବହିରେ ଲେଖିବେ ଲେଖିକାମାନେ ।
Kanak News is now on WhatsApp
Join and get latest news updates delivered to you via WhatsApp
ମିଛ କହି ଡାକ୍ତର ବନି ଜଣେ ବ୍ୟକ୍ତି ଏତେ ବଡ ଠକ ହୋଇପାରେ ତାହା ଏହି ଲେଖିକାଙ୍କୁ ଆଶ୍ଚର୍ଯ୍ୟ କରିଛି । ମିଛ କହି ଲୁଟ ଉଦ୍ଦେଶ୍ୟରେ ୧୮ ଜଣ ମହିଳାଙ୍କୁ ବିବାହ କରିଥିବା ରମେଶ ଏକ ବିରଳ ଠକ ବୋଲି ଏବେ ସମସ୍ତେ ବିବେଚନା କରୁଛନ୍ତି । ଲେଖିକା ଗୀତାଞ୍ଜଳି ପଣ୍ଡା, ସୁଜାତା ନନ୍ଦ, ରେଣୁକା ମିଶ୍ର ଓ ସୁଷମା ଲେଙ୍କା ଝାଡପଡା ଜେଲରେ ପହଂଚି ରମେଶଙ୍କ ବିଷୟରେ ଅଧିକ ଅନୁସନ୍ଧାନ କରିଛନ୍ତି ।