୧ ମାର୍ଚ୍ଚରୁ ଆମାଜନର ନୂଆ ସେଲ ଆରମ୍ଭ । ଏସି ଓ ଫ୍ରିଜ ଉପରେ ଗ୍ରାହକଙ୍କୁ ୪୦ ପ୍ରତିଶତ ପର୍ଯ୍ୟନ୍ତ ମିଳିପାରେ ରିହାତି ।
ଅନଲାଇନ ସପିଂ ସାଇଟ ଆମାଜନ ‘wow salary days’ ଅଫର ଘୋଷଣା କରିଛି । ଏହି ଅଫର ମାର୍ଚ୍ଚ ୧ ଠାରୁ ଆରମ୍ଭ ହେଉଛି । ଗ୍ରାହକଙ୍କ ପାଇଁ ମାତ୍ର ୩ ଦିନ ଏହି ଅଫର ଜାରି ରହିବ । ଏହି ମେଗା ସେଲରେ ଗ୍ରାହକଙ୍କୁ ବିଭିନ୍ନ ସାମଗ୍ରୀ ଉପରେ ଡିସକାଉଣ୍ଟ ଦିଆଯିବ । ଆଗକୁ ପ୍ରବଳ ଖରାକୁ ଦୃଷ୍ଟିରେ ରଖି ଏସି ଓ ଫ୍ରିଜ ଉପରେ ୪୦ ପ୍ରତିଶତ ପର୍ଯ୍ୟନ୍ତ ରିହାତି ମିଳିପାରେ ବୋଲି ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଆମାଜନ ପକ୍ଷରୁ ଏକ ପ୍ରେସ ରିଲିଜ ଜାରି କରାଯାଇ କୁହାଯାଇଛି ଯେ, ବିଭିନ୍ନ କମ୍ପାନି ଯେପରିକି Samsung, LG, Sony, Fujifilm, Panasonic, Sanyo ଓ TCL ଭଳି କମ୍ପାନିର ସାମଗ୍ରୀ ଉପରେ ଅଫର ପାଇପାରିବେ ଗ୍ରାହକ । ତେବେ ଏଥିପାଇଁ ଆମାଜନ ଇଣ୍ଡିଆ ୱେବସାଇଟରେ ସମସ୍ତ ଅଫର ବାବଦରେ ସୂଚନା ପାଇପାରିବେ ଗ୍ରାହକ ।
କେବଳ ଏସି କିମ୍ବା ଫ୍ରିଜ ନୁହେଁ ବରଂ ବିଭିନ୍ନ ଇଲୋକଟ୍ରୋନିକ୍ସ ସାମଗ୍ରୀ ଉପରେ ମଧ୍ୟ ଜବରଦସ୍ତ ଅଫର ପାଇବେ ଗ୍ରାହକ । ବୋଟ, ଜେବିଏଲ ଓ ବୋସ ଭଳି ବ୍ଲୁଟୁଥ୍ ସ୍ପିକର ଉପରେ ମଧ୍ୟ ୫୦ ପ୍ରତିଶତ ପର୍ଯ୍ୟନ୍ତ ରିହାତି ପାଇପାରିବେ ଗ୍ରାହକ । ସେହିଭଳି ବିଭିନ୍ନ ସାଉଣ୍ଡବାର ଉପରେ ଗ୍ରାହକଙ୍କୁ ୪୦ ପ୍ରତିଶତ ପର୍ଯ୍ୟନ୍ତ ରିହାତି ମିଳିପାରେ ।