ସାରା ବିଶ୍ୱ ଦେଖିଲା ଭାରତ ଓ ଆମେରିକାର ନିବିଡ ସମ୍ପର୍କ । ଭାରତ ଓ ବିଶ୍ୱ ରାଜନୀତିରେ ସୃଷ୍ଟି ହୋଇଛି ବିଶ୍ୱର ସର୍ବବୃହତ ଓ ସର୍ବ ପୂରାତନ ଗଣତନ୍ତ୍ରର ଏକ ନିଆରା ସମୀକରଣ
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ଗୋଟିଏ ମଂଚରେ ପ୍ରାୟ ଦୁଇ ଘଂଟାରୁ ଅଧିକ ସମୟ ବିତାଇଛନ୍ତି । ଏହା ସହ ଭାରତ ଓ ବିଶ୍ୱ ରାଜନୀତିରେ ସୃଷ୍ଟି ହୋଇଛି ବିଶ୍ୱର ସର୍ବବୃହତ ଓ ସର୍ବ ପୂରାତନ ଗଣତନ୍ତ୍ରର ଏକ ନିଆରା ସମୀକରଣ । ଯେଉଁଠି ନେତାଙ୍କ ଭାବାବେଗ ସହିତ ବିଶ୍ୱ ଦେଖିଛି ସମ୍ପର୍କ ଓ ସହଭାଗୀତାର ନୂଆ ଉଦାହରଣ । ସାରା ବିଶ୍ୱ ଦେଖୁଥିଲା ଯେତେବେଳେ ଆମେରିକାର ହ୍ୟୁଷ୍ଟେନରେ ମୋଦି ଓ ଟ୍ରମ୍ପ ଗୋଟିଏ ମଂଚରେ ଥିଲେ । ଆଉ ସଫା ସଫା ସଫା ଦେଖାଯାଉଥିଲା ଦୁଇ ରାଷ୍ଟ୍ର ମୁଖ୍ୟଙ୍କ ବନ୍ଧୁତ୍ୱ ।
Kanak News is now on WhatsApp
Join and get latest news updates delivered to you via WhatsApp
ଦୁଇ ରାଷ୍ଟ୍ରମୁଖ୍ୟଙ୍କ ଏହି ସମାବେଶ ପୂର୍ବରୁ ମଂଚ ପଛପଟେ ବି ନଜର ଆସିଥିଲା ମୋଦି ଟ୍ରମ୍ପଙ୍କ ନିବିଡ ସମ୍ପର୍କ । ଯେତେବେଳେ ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ ହ୍ୟୁଷ୍ଟେନର ଏନଆରଜି ଷ୍ଟାଡିୟମରେ ପହଁଚିଥଲେ ସେତେବେଳେ ରେଡ କାର୍ପେଟରେ ଆମେରିକା ରାଷ୍ଟ୍ର ମୁଖ୍ୟଙ୍କୁ ପାଛୋଟି ନେଇଥିଲେ ମୋଦି । ଇଏ ସେହି ମୂହୁର୍ତ ଥିଲା ଯେତେବେଳେ ଦୁଇ ଦେଶର ରାଷ୍ଟ୍ର ମୁଖ୍ୟ ପରସ୍ପରର ସହଭାଗୀତାର କଥା କହୁଥିଲେ । କେମିତି ଭାରତ ଓ ଆମେରିକାର ସାମୁହିକ ସମସ୍ୟା ରହିଛି ଓ ଏଥିରେ ଆମେରିକା ଭାରତ ସହ ଛିଡା ହୋଇଛି ସେନେଇ ପ୍ରତିଶ୍ରୁତି ଦେଇଥିଲେ ଟ୍ରମ୍ପ । ଆଉ ଭାରତ ବି ଆମେରିକାର ପ୍ରକୃଷ୍ଠ ବନ୍ଧୁ ତାହା ଦର୍ଶାଇଥିଲେ ମୋଦି । ମୋଦି ଟ୍ରମ୍ପ ଭେଟଘାଟ ପୂର୍ବରୁ ବି ସାମ୍ନାକୁ ଆସିଥିଲା କେମିତି ଦୁଇ ରାଷ୍ଟ୍ର ମୁଖ୍ୟଙ୍କ ଭିତରେ ପରସ୍ପରକୁ ଭେଟିବା ପାଇଁ ଉତ୍ସୁକତା ରହୁଛି । କାହିଁକି ନାଁ ପରସ୍ପର ଉଦ୍ଦେଶ୍ୟରେ ଟ୍ୱିଟ କରି ଭେଟଘାଟର ଠିକ ପୂର୍ବରୁ ଟ୍ରମ୍ପ ଓ ମୋଦି ଏହି ସାକ୍ଷାତକୁ ନେଇ କେତେ ଉତ୍ସାହିତ ସେନେଇ ଟ୍ୱିଟ କରି ଚାଲିଥିଲେ ।