ରୋହିତଙ୍କ ବିଶ୍ୱରେକର୍ଡ ! ସାଙ୍ଗାକାରାଙ୍କ ସମକକ୍ଷ ହେଲେ ହିଟ୍ ମ୍ୟାନ୍, ଗୋଟିଏ ବିଶ୍ୱକପରେ ୪ଟି ଶତକ ମାରି ରଚିଲେ ନୂଆ ଇତିହାସ ।
କନକ ବ୍ୟୁରୋ : କ୍ରିକେଟ୍ ଇତିହାସରେ ଏକ ନୂଆ କୀର୍ତ୍ତିମାନ ସ୍ଥାପନ କଲେ ହିଟ୍ ମ୍ୟାନ୍ । ବିଶ୍ୱରେକର୍ଡ ରଚିଲେ ରୋହିତ ଶର୍ମା । ବର୍ମିଂହାମରେ ଖେଳାଯାଉଥିବା ବିଶ୍ୱକପର ୪୦ତମ ମ୍ୟାଚରେ ଧୂଆଁଧାର ବ୍ୟାଟିଂ କରିଛନ୍ତି ଭାରତର ଦୁଇ ପ୍ରାରମ୍ଭିକ ବ୍ୟାଟ୍ସମ୍ୟାନ୍ ରୋହିତ ଶର୍ମା । ଚଳିତ ବିଶ୍ୱକପରେ ମୋଟ୍ ୪ଟି ଶତକ ହାସଲ କରିଛନ୍ତି ରୋହିତ । ପୂର୍ବରୁ ୨୦୧୫ ବିଶ୍ୱକପରେ ଶ୍ରୀଲଙ୍କାର ପୂର୍ବତନ ଅଧିନାୟକ କୁମାର ସାଙ୍ଗାକାରା ୪ଟି ଶତକ ହାସଲ କରିଥିଲେ । ତେବେ ଏହି ରେକର୍ଡ ହାସଲ କରିବାରେ ରୋହିତ ପ୍ରଥମ ଭାରତୀୟ ହୋଇଥିବା ବେଳେ ଦ୍ୱିତୀୟ ଆନ୍ତର୍ଜାତୀୟ ଖେଳାଳୀ ଭାବେ ସେ ଏହି ରେକର୍ଡ ନିଜ ନାଁରେ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ଚଳିତ ବିଶ୍ୱକପରେ ଅଷ୍ଟ୍ରେଲିଆର ଡେଭିଡ୍ ୱାର୍ନରଙ୍କୁ ପଛରେ ପକାଇ ରୋହିତ ସର୍ବାଧିକ ସ୍କୋର ତାଲିକାର ଶୀର୍ଷ ସ୍ଥାନରେ ରହିଛନ୍ତି । ଆଜି ବର୍ମିଂହାମରେ ବାଂଲାଦେଶ ବିପକ୍ଷରେ ବିସ୍ଫୋରକ ବ୍ୟାଟିଂ କରୁଛି ବିରାଟ ବାହିନୀ । ତେବେ ରୋହିତ ଶର୍ମା ଶତକ ହାସଲ କରିବା ପରେ ୧୦୪ ରନରେ ଆଉଟ୍ ହୋଇଥିଲେ । ଏବଂ ପରେ ପରେ ଲୋକେଶ ରାହୁଲ ୭୭ ରନ୍ କରି ପ୍ୟାଭିଲିୟନ୍ ଫେରିଯାଇଛନ୍ତି । ବର୍ତ୍ତମାନ ସମୟରେ ଅଧିନାୟକ ବିରାଟ୍ କୋହଲିଙ୍କ ସହ ଋଷଭ ପନ୍ଥ କ୍ରିଜରେ ବ୍ୟାଟିଂ ଜାରି ରଖିଛନ୍ତି । ରିପୋର୍ଟ ଲେଖା ହେବା ସୁଦ୍ଧା ଭାରତ ୩୩ ଓଭରରେ ୨ଟି ମୂଲ୍ୟବାନ ୱିକେଟ୍ ହରାଇ ୧୯୬ ରନ୍ ସଂଗ୍ରହ କରିଛି ।