ଆଜି ବିଶ୍ୱ ତମାଖୁ ବର୍ଜନ ଦିବସ : ସ୍ୱାସ୍ଥ୍ୟ ଉପରେ ତମାଖୁର କୁପ୍ରଭାବ ସମ୍ପର୍କରେ ସଚେତନ ଉଦ୍ଦେଶ୍ୟରେ ପାଳନ କରାଯାଉଛି ଦିବସ
କନକ ବ୍ୟୁରୋ : ଆଜି ହେଉଛି ବିଶ୍ୱ ତମାଖୁ ବର୍ଜନ ଦିବସ । ସ୍ୱାସ୍ଥ୍ୟ ଉପରେ ତମାଖୁର କୁପ୍ରଭାବ ସଂପର୍କରେ ଲୋକଙ୍କୁ ସଚେତନ କରିବା ଉଦ୍ଦେଶ୍ୟରେ ଏହି ଦିବସ ପାଳନ କରାଯାଉଛି । ବାରମ୍ବାର ସଚେତନ କରିବା ଦ୍ୱାରା ଲୋକଙ୍କ ଉପରେ ଏହାର ପ୍ରଭାବ ପଡୁଥିବା ଜଣାପଡିଛି । କାରଣ ୨୦୦୯-୧୦ ମସିହାରେ ହୋଇଥିବା ବିଶ୍ୱ ବୟସ୍କ ତମାଖୁ ସର୍ଭେ ଅନୁସାରେ ଓଡିଶାରେ ୪୨.୨ ପ୍ରତିଶତ ଲୋକ ତମାଖୁ ସେବନ କରୁଥିଲେ । ୨୦୧୬-୧୭ ସେର୍ଭ ଅନୁସାରେ ଏହା ସାମାନ୍ୟ ହ୍ରାସ ପାଇ ୪୫.୬ ପ୍ରତିଶତ ହୋଇଥିଲା । ତେଣୁ ସେଚେତନତା ଯୋଗୁଁ ଏହା କମୁୁଥିବା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସରକାରୀ ଆଇନ ଏବଂ କଟକଣା ଯୋଗୁଁ ସର୍ବସାଧାରଣରେ ସିଗାରେଟ ଟାଣିବା ଅଧିକ ମାତ୍ରାରେ କମିଯାଇଥିଲେ ବି ଗୁଟଖା ଖାଇବା କିନ୍ତୁ ଏବେ ବି ଖୋଲାଖୋଲି ଚାଲିଛିି । ଶିକ୍ଷାନୁଷ୍ଠାନ ନିକଟରେ ଗୁଟଖା ବିକ୍ରି ନିଷିଦ୍ଧ କରାଯାଇଥିଲେ ବି ଲୁଚାଛପାରେ ସବୁକିଛି ଚାଲିଛି । ଫଳରେ ଦିନକୁ ଦିନ କ୍ୟାନସର ରୋଗୀଙ୍କ ସଂଖ୍ୟା ବୃଦ୍ଧିପାଉଛି । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ୨୦୨୨ ରିପୋର୍ଟ ଅନୁଯାୟୀ ବିଶ୍ୱରେ ପ୍ରତିବର୍ଷ ପ୍ରାୟ ୮ ନିୟୁତ ଲୋକଙ୍କ ଜୀବନ ଯାଉଛି । ତେଣୁ ସଚେତନ କରିବା ଦ୍ୱାରା ଲୋକମାନେ ତମାଖୁ ସେବନ ଠାରୁ ଦୂରେଇ ରହିବେ ଏବଂ ମୃତ୍ୟୁସଂଖ୍ୟା ମଧ୍ୟ କମିବ ।