ଡେଲଟା ଭାରିଆଂଟ ପାଇଁ ବୁଷ୍ଟର ଡୋଜ ଦେବାକୁ ମନା କଲା ବିଶ୍ୱ ସ୍ୱାସ୍ଥ୍ୟ ସଂଗଠନ : ଡବ୍ଲ୍ୟୁଏଚଓ ନିର୍ଦ୍ଦେଶକ କହିଲେ ଧନୀ ରାଷ୍ଟ୍ରରେ ଅଧିକ ହୋଇଛି ଟିକାକରଣ, ପଛରେ ପଡ଼ିଛନ୍ତି ଗରିବ ଦେଶ
କନକ ବ୍ୟୁରୋ : ବିଶ୍ୱର ପ୍ରାୟ ୧୩୨ଟି ଦେଶରେ କରୋନାର ଡେଲଟା ଭୂତାଣୁ ମାଡି ଯାଇଥିବାବେଳେ ଟିକାର ବୁଷ୍ଟର ଡୋଜ୍ ଉପରେ ଗୁରୁତ୍ୱ ଦେଉଛନ୍ତି ଅଧିକାଂଶ ଦେଶ । ହେଲେ ଆଗାମୀ ସେପ୍ଟେମ୍ବର ପର୍ଯ୍ୟନ୍ତ ଏହାକୁ ବନ୍ଦ ରଖିବା ପାଇଁ କହିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । କାରଣ ବୁଷ୍ଟର ଡୋଜ୍ ଅପେକ୍ଷା ବିଶ୍ୱର ସମସ୍ତ ଦେଶରେ ଅନ୍ୟୁନ ୧୦ ପ୍ରତିଶତ ଲୋକଙ୍କ କରୋନା ଟିକାକରଣ ଉପରେ ଜୋର ଦେଇଛି ହୁ । କାରଣ ବିଶ୍ୱର ଧନୀ ଦେଶଗୁଡିକ ସେମାନଙ୍କ ଜନସଂଖ୍ୟାର ପ୍ରାୟ ୫୦ ପ୍ରତିଶତ ଟିକାକରଣ ଶେଷ କରିଥିବାବେଳେ ଗରିବ ରାଷ୍ଟ୍ରଗୁଡିକରେ ମାତ୍ର ଦେଢ ପ୍ରତିଶତ ଟିକାକରଣ ହୋଇପାରିଛି ।
Kanak News is now on WhatsApp
Join and get latest news updates delivered to you via WhatsApp
ଅଧିକାଂଶ ଦେଶରେ କୋରନାର ଡେଲଟା ଭୂତାଣୁ ମାଡି ଚାଲିଥିବାବେଳେ ଏବେ ଟିକାର ବୁଷ୍ଟର ଡୋଜ୍ ଦେବା ଆରମ୍ଭ ହୋଇଛି । ଜର୍ମାନୀରେ ଆଗାମୀ ସେପ୍ଟେମ୍ବରରୁ ଆରମ୍ଭ ହେବ ବୁଷ୍ଟର ଡୋଜ୍ । ୟୁଏଇରେ ମଧ୍ୟ ଟିକାର ଦୁଇଟି ଡୋଜ୍ ନେଇଥିବା ବ୍ୟକ୍ତିଙ୍କୁ ୩ ମାସ ମଧ୍ୟରେ ବୁଷ୍ଟର ଡୋଜ୍ ଦିଆଯିବ । ଗତ ସପ୍ତାହରେ ଇସ୍ରାଏଲ ରାଷ୍ଟ୍ରପତି ବୁଷ୍ଟର ଡୋଜ୍ ନେଇ ଦେଶରେ ୬୦ ବର୍ଷରୁ ଅଧିକ ବୟସ୍କଙ୍କୁ ବୁଷ୍ଟର ଡୋଜ୍ ଟିକାକରଣର ଶୁଭାରମ୍ଭ କରିଥିଲେ । ଆମେରିକା ମଧ୍ୟ ବୁଷ୍ଟର ଡୋଜ୍ ଯୋଗେଇ ଦେବାକୁ ଫାଇଜର ଓ ବାୟୋନଟେକ ସହ ଚୁକ୍ତି କରିଛି ।