ଯୁବତୀଙ୍କ ମିଛ ଅଭିନୟ: କାର୍ ଆଗରେ ଆସି ପିଟି ହେଲେ.. ଚିତ୍କାର କଲେ.. ଭିଡିଓ ଭାଇରାଲ

କନକ ବ୍ୟୁରୋ : ଦୁର୍ଘଟଣାର ମିଛ ନାଟକ ରଚିଲେ ଯୁବତୀ । ଗାଡ଼ି ସାମ୍ନାକୁ ଆସି ପିଟିହେଲେ । ଦୁର୍ଘଟଣାର ଅଭିନୟ କଲେ । ଏମିତି କିଛି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ବେଙ୍ଗାଲୁରୁ ଏହି ଘଟଣା ଘଟିଥିବା ସୂଚନା ମିଳିଛି ।

ଯୁବତୀଙ୍କ ଅଭିନୟ ଦେଖିଲେ ଆପଣ ବି ଭାବିବେ କାରଟି ତାଙ୍କୁ ଧକ୍କା ଦେଇଛି । କିନ୍ତୁ ବାସ୍ତବରେ ତାହା ନୁହେଁ । ବରଂ ଯୁବତୀ ଜଣକ ଜାଣିଶୁଣି ଆସି ଗାଡ଼ି ସହ ପିଟି ହେଲେ ଓ ଦୁର୍ଘଟଣାର ନାଟକ ରଚିଲେ । କିନ୍ତୁ ତାଙ୍କ ମିଛ ନାଟକକୁ ଭଣ୍ତୁର କରିଦେଲେ କାର ଡ୍ରାଇଭର ।

ଭାଇରାଲ ହେଉଥିବା ଭିଡିଓରେ ଯୁବତୀ ଜଣକ ରାସ୍ତାର ମଝିରେ ଚାଲୁଥିବା ବେଳେ ତାଙ୍କ ସାମ୍ନାରେ ଏକ କାର ଆସିଥିଲା । କାର ଡ୍ରାଇଭର ଜଣକ ଯୁବତୀଙ୍କୁ ଦେଖି ଗାଡ଼ି ଅଟକାଇ ଦେଇଥିଲେ । କିନ୍ତୁ ଯୁବତୀ ଜଣକ ଯେମିତି କାରଟି ତାଙ୍କୁ ପିଟି ଦେଇଥିବା ଅଭିନୟ କଲେ । ଡ୍ରାଇଭର ଜଣକ ପୋଲିସ ପୋଲିସ ଚିତ୍କାର କରିବାରୁ ଯୁବତୀ ଜଣକ ଗାଡ଼ି ଆଗରୁ ପଳାଇଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ସୋନି କପୁର ନାମକ ଜଣେ ବ୍ୟକ୍ତି ଏହି ଭିଡିଓକୁ ସୋସିଆଲ ମିଡିଆ ଏକ୍ସରେ ପୋଷ୍ଟ କରିଛନ୍ତି । ଯାହାକୁ ଏଯାଏ ୧ ମିଲିୟନ ୟୁଜର୍ସ ଦେଖିସାରିଲେଣି । ଅନେକ ଲୋକ ଭିଡିଓ ଉପରେ ଭିନ୍ନ କମେଣ୍ଟ ମଧ୍ୟ ଦେଇଛନ୍ତି ।