‘ନେପୋ କିଡସ୍’ ପୋଷ୍ଟକୁ ନେଇ ରାଜନୀତି; ବିବାଦରେ ପଡ଼ିବେ କି ମନିଷ ?

କନକ ବ୍ୟୁରୋ : ଚର୍ଚ୍ଚା ସାଉଁଟିଛି କଂଗ୍ରେସର ବରିଷ୍ଠ ନେତା ମନିଷ ତିୱାରୀଙ୍କ ସୋସିଆଲ ମିଡିଆ ପୋଷ୍ଟ । କଂଗ୍ରେସ ନେତା ମନୀଷ ତିୱାରୀଙ୍କ ନେପୋ କିଡ୍ ସୋସିଆଲ ମିଡିଆ ପୋଷ୍ଟକୁ ନେଇ ରାଜନୀତି । ବିଜେପି ଏହାକୁ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହ ଯୋଡ଼ି ସମାଲୋଚନା କରିଛି । ମନୀଷ ଲେଖିଥିଲେ, ଶ୍ରୀଲଙ୍କାରେ ଗୋଟାବାୟା ରାଜପକ୍ଷେ, ବାଂଲାଦେଶରେ ଶେଖ୍ ହସିନା, ନେପାଳରେ କେ.ପି ଶର୍ମା ଓଲି, ଫିଲିପାଇନ୍ସରେ ମାର୍କୋସଙ୍କ ଭଳି ନେତା ସାଧାରଣ ଲୋକଙ୍କ ଆକ୍ରୋଶର ଶିକାର ହୋଇ ପଦ ଛାଡ଼ିଛନ୍ତି ।

ନେତାଙ୍କ ପ୍ରତି ଜେନ୍-ଜିଙ୍କ ଆକ୍ରୋଶକୁ ଇସାରା କରିଥିଲେ ମନୀଷ ତିୱାରୀ । ବିଜେପି ଏହାକୁ ରାହୁଲ ଗାନ୍ଧୀଙ୍କୁ ଯୋଡ଼ି, ସେ ଦେଶର ବଡ଼ ନେପୋ କିଡ୍ ବୋଲି କହିଛି । ଜେନ୍ ଜି ଛାଡ଼ନ୍ତୁ, କଂଗ୍ରେସ ଭିତରେ ବି ବିଦ୍ରୋହ ମୁଣ୍ଡ ଟେକିଲାଣି । ଭୋଟ୍ ଚୋରି ରୋକିବାକୁ ନିକଟରେ ରାହୁଲ ଗାନ୍ଧୀ ଦେଶର ଯୁବବର୍ଗଙ୍କୁ ଆହ୍ୱାନ ଦେଇଥିଲେ । ବିଜେପି ସମାଲୋଚନା କରି କହିଥିଲା, ଜେନ ଜି ଆଗ ରାହୁଲ ଗାନ୍ଧୀଙ୍କୁ ଦେଶରୁ ବାହାର କରିବେ ।