କନକ ବ୍ୟୁରୋ: ପାକିସ୍ତାନରେ ବର୍ତ୍ତମାନ ସବୁକିଛି ମୁନିରଙ୍କ ହିସାବରେ ଚାଲିଛି । ସେଠାରେ ପ୍ରଧାମନ୍ତ୍ରୀ ସେହବାଜ ସରିଫଙ୍କ କଥା କମ୍ ମୁନିରଙ୍କ କଥା ଅଧିକ ଚାଲିଛି । ବଡ଼ ବଡ଼ ବୈଠକରେ ମୁନିର୍ ରହୁଛନ୍ତି, ପ୍ରାୟ ସବୁ ନିଷ୍ପତ୍ତି ନିଜେ ନେଉଛନ୍ତି । ଏକଥା ଆମେ କହୁନୁ, ମୁନିରଙ୍କୁ ମିଳିଥିବା ଅଖଣ୍ଡ ପାୱାରକୁ ନେଇ ଖୋଦ ଚିନ୍ତାପ୍ରକାଶ କରିଛି ଜାତିସଂଘ । ଆସନ୍ତୁ ଜାଣିନେବା କଣ କହିଛି ଜାତିସଂଘ...

Advertisment

ଜାତିସଂଘ କହିଛି, ମୁନିରଙ୍କୁ ଅଖଣ୍ଡ ପାୱାର୍ ଦିଆଯାଇଛି । ଏହାଦ୍ୱାରା ପାକ୍ ସେନା ନିୟନ୍ତ୍ରଣବିହୀନ ହୋଇଯିବ । ଅଦାଲତ୍ ଗୁଡ଼ିକ ଦୁର୍ବଳ ପାଲଟିବେ । ଦେଶ ପାଇଁ ଏହା ଯମା ବି ହିତକର ନୁହେଁ । ଜାତିସଂଘ ମାନବାଧିକାର ଏଜେନ୍ସିର ହାଇ କମିଶନର ୱିଲକର ଟର୍କ କହିଛନ୍ତି, ୨୭ତମ ସମ୍ବିଧାନ ସଂଶୋଧନ ନ୍ୟାୟପାଳିକାର ସ୍ବାଧୀନତାକୁ ଦୁର୍ବଳ କରିପକାଇବ । ଏହାର ପୁନର୍ବିଚାର ଜରୁରି । ପାକ୍ ସମ୍ବିଧାନରେ ଏହି ସଂଶୋଧନ ସେହି ସବୁ ଜରୁରି ଆଇନକୁ ଦୁର୍ବଳ କରିପକାଇବ ଯାହାଦ୍ଵାରା ଦେଶରେ ଆଇନ ବ୍ୟବସ୍ଥା ଯଥୋଚିତ ରହିଥାଏ । ବର୍ତ୍ତମାନ ଏହି ଆଇନକୁ ନେଇ ପ୍ରଶ୍ନବାଚୀ ସୃଷ୍ଟି ହେବ । 

୧୭ ଦିନ ବନ୍ଦ ରହିବ ବ୍ୟାଙ୍କ; କାମ ଥିଲେ ଆଜିଠୁ କରନ୍ତୁ ପ୍ଲାନ୍‌

ଟର୍କ ଆହୁରି କହିଛନ୍ତି, ନ୍ୟାୟପାଳିକାରେ ସରକାରଙ୍କ ଦଖଲ ରହିବା ଉଚିତ୍ ନୁହେଁ । ଏହା ସ୍ବାଧୀନ ରହିଲେ ହିଁ ବିଚାର ବ୍ୟବସ୍ଥା ସ୍ବାଭାବିକ ରହିବ । ସରକାର ଦଖଲ ଦେଲେ ସୁରକ୍ଷା ଶେଷ ହୋଇଯିବ । ଅଦାଲତ ଦୁର୍ବଳ ହେଲେ ମାନବାଧିକାରର ସୁରକ୍ଷା କରିପାରିବେ ନାହିଁ କିମ୍ବା ଆଇନକୁ ସମାନ ଭାବେ ଲାଗୁ କରିପାରିବେ ନାହିଁ । ୟୁଏନ୍‌ଏଚ୍‌ଆର୍‌ ହାଇ କମିଶନର ଟର୍କ ସେହି ପ୍ରାବଧାନକୁ ନେଇ ଗଭୀତ ଚିନ୍ତାବ୍ୟକ୍ତ କରିଛନ୍ତି । ଯେଉଁଥିରେ ରାଷ୍ଟ୍ରପତି ଓ ଶୀର୍ଷ ନେତୃତ୍ବଙ୍କୁ ଆଜୀବନ ଅପରାଧିକ ମାମଲାରୁ ଛାଡ଼ ଦିଆଯାଇଛି । ଏହା ଉତ୍ତରଦାୟିତ୍ୱ ସିଦ୍ଧାନ୍ତର ବିପରିତ ବୋଲି ସେ ଦର୍ଶାଇଛନ୍ତି ।  ଏଭଳି ନକାରାତ୍ମକ ଦିଗଗୁଡ଼ିକୁ ଦୃଷ୍ଟିରେ ରଖି ସମ୍ବିଧାନ ସଂଶୋଧନ ଉପରେ ପାକ୍ ପୁନର୍ବିଚାର କରିବା ଜରୁରି ବୋଲି ଟର୍କ କହିଛନ୍ତି । 

ପାକିସ୍ତାନ ସେନାରେ ଏବେ ବଡ଼ି ଧରଣର ପରିବର୍ତ୍ତନ ଚାଲିଛି । ସେନା ମୁଖ୍ୟ ମୁନିର୍ ଏହା ଭିତରେ ଚିଫ୍ ଅଫ୍ ଡିଫେନ୍ସ ଫୋର୍ସେସ୍ ବା ସିଡିଏଫ୍ ଭାବେ ନିଜ ହାତକୁ ଦାୟିତ୍ବ ନେଇଛନ୍ତି । ଯାହା ଏକ ଚିନ୍ତାର ବିସୟ ପାଲଟିପାରେ । 

ଉଲ୍ଲେଖଯୋଗ୍ୟ, ନଭେମ୍ବର ୧୨ରେ ପାକ୍ ସଂସଦ ସେନାର କ୍ଷମତା ବଢ଼ାଇବା ଏବଂ ନ୍ୟାୟପାଳିକାର ଶକ୍ତି କମାଇବା ପରିପ୍ରେକ୍ଷୀରେ ୨୭ତମ ସମ୍ବିଧାନ ସଂଶୋଧନକୁ ମଞ୍ଜୁରି ଦେଇଥିଲା । ଏହି ସମୟରେ ସମ୍ବିଧାନର ୪୮ ଧାରାରେ ବି ସଂଶୋଧନ କରାଯାଇଥିଲା । ୨୭ତମ ସଂଶୋଧନ ଅନୁସାରେ ଜାତୀୟ ରଣନୀତିକ କମାଣ୍ଡ ଗଠନ ହେବ । ଏହି କମାଣ୍ଡ ପାକିସ୍ତାନର ପରମାଣୁ ଅସ୍ତ୍ରଶସ୍ତ୍ର ଏବଂ ମିସାଇଲ୍ ବ୍ୟବସ୍ଥାର ନିୟନ୍ତ୍ରଣ କରିବ । କମାଣ୍ଡର ନେତୃତ୍ଵ ସିଡିଏଫ୍ ଜେନେରାଲ ମୁନିର ନେବେ । ଏ ପର୍ଯ୍ୟନ୍ତ ପାକ୍ ଅଣୁ ଅସ୍ତ୍ର ନ୍ୟାସନାଲ କମାଣ୍ଡ ଅଥରିଟି (ଏନ୍‌ସିଏ) ପାଖରେ ଥିଲା । ଏହାର ଅଧ୍ୟକ୍ଷତା ପ୍ରଧାନମନ୍ତ୍ରୀ କରୁଥିଲେ । ଏଣିକି ଏସ୍‌ସି ପାଖରେ ଏହି ଦାୟିତ୍ଵ ରହିବ ।