ପଦାରେ ପଡ଼ିଲା ଟ୍ରମ୍ପଙ୍କ ଦୋମୁହାଁ ନୀତି । ଭାରତ ଉପରେ ଅଧିକ ଟାରିଫ ଲଗାଇବାକୁ ଚାପ ପକାଉଛନ୍ତି, ମୋଦୀଙ୍କୁ ଭଲ ବନ୍ଧୁ କହି ଗେମ୍ ଖେଳୁଛନ୍ତି

କନକ ବ୍ୟୁରୋ : ପଦାରେ ପଡ଼ିଲା ଟ୍ରମ୍ପଙ୍କ ଦୋମୁହାଁ ନୀତି । ଗୋଟିଏ ପଟେ ମୋଦୀଙ୍କୁ ଭଲ ବନ୍ଧୁ କହି ଟାରିଫ ପ୍ରସଙ୍ଗରେ ପୁନଃ ଆଲୋଚନା କଥା କହୁଛନ୍ତି ଆମେରିକା ରାଷ୍ଟ୍ରପତି, ତ ଅନ୍ୟପଟେ ଭାରତ ଉପରେ ଅଧିକ ଟାରିଫ ଲଗାଇବାକୁ ୟୁରୋପୀୟ ଦେଶ ଉପରେ ପକାଉଛନ୍ତି ଚାପ । ଅନ୍ତର୍ଜାତୀୟ ଖବର ସରବାରହ ସଂସ୍ଥା ରୟଟର୍ସର ଏକ ରିପୋର୍ଟ ଅନୁସାରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ୟୁରୋପୀୟ ସଂଘକୁ ଭାରତ ଉପରେ ଶତ ପ୍ରତିଶତ ଟାରିଫ ଲଗାଇବାକୁ କହିଛନ୍ତି । ଋଷିଆ ଠାରୁ ତେଲ କିଣୁଥିବାରୁ ୧୦୦ ପ୍ରତିଶତ ଟାରିଫ ଲଗାଇବାକୁ ୟୁରୋପୀୟ ସଂଘକୁ କହିଛନ୍ତି ଆମେରିକା ରାଷ୍ଟ୍ରପତି । ଏପଟେ କିନ୍ତୁ ସୋସିଆଲ ମିଡିଆ ଏକ୍ସରେ ପୋଷ୍ଟ କରି ପ୍ରଧାନମନ୍ତ୍ରୀ ମୋଦୀଙ୍କୁ ପୁଣିଥରେ ନିଜ ଭଲ ବନ୍ଧୁ ବୋଲି କହିଛନ୍ତି ଟ୍ରମ୍ପ । କେବଳ ସେତିକି ନୁହେଁ ଆମେରିକା- ଭାରତ ମଧ୍ୟରେ ଥିବା ବାଣିଜ୍ୟିକ ସମ୍ପର୍କ ନେଇ ଖୁବଶୀଘ୍ର ମୋଦୀଙ୍କ ସହ ଆଲୋଚନା କରିବେ ବୋଲି ନିଜ ପୋଷ୍ଟରେ ଲେଖିଥିଲେ ଆମେରିକା ରାଷ୍ଟ୍ରପତି ।

ଟ୍ରମ୍ପଙ୍କ ଦୋମୁହାଁ ନୀତି
ଆମେରିକା ରାଷ୍ଟ୍ରପତିଙ୍କ ଦୋମୁହାଁ ନୀତି
ଭାରତ ଉପରେ ଶତ ପ୍ରତିଶତ ଶୁଳ୍କ ଲଗାଇବାକୁ ୟୁରୋପୀୟ ସଂଘ ଉପରେ ଚାପ
ରୁଷିଆ ଠାରୁ ତେଲ କିଣାକୁ ନେଇ ଶୁଳ୍କ ଲଗାଇବାକୁ ଟ୍ରମ୍ପ ପକାଇଲେ ଚାପ
ଚାଇନା ଓ ଭାରତ ଉପରେ ୧୦୦% ଟାରିଫ ଲଗାଇବାକୁ କହିଲେ ଟ୍ରମ୍ପ
ଏପଟେ ପୋଷ୍ଟ କରି କହିଲେ, ମୋଦୀ ମୋର ଭଲ ବନ୍ଧୁ
ବାଣିଜ୍ୟିକ ସମ୍ପର୍କ ବିଷୟରେ ମୋଦୀଙ୍କ ସହ କଥାହେବେ ବୋଲି କହିଲେ ଟ୍ରମ୍ପ