ପଦାର୍ଥ ବିଜ୍ଞାନ ପାଇଁ ନୋବେଲ ପୁରସ୍କାର ଘୋଷଣା; ତିନିଜଣ ବୈଜ୍ଞାନିକ ମନୋନୀତ

କନକ ବ୍ୟୁରୋ : ପଦାର୍ଥ ବିଜ୍ଞାନ ପାଇଁ ଚଳିତବର୍ଷ ତିନିଜଣ ବୈଜ୍ଞାନିକ ନୋବେଲ ପୁରସ୍କାର ପାଇବେ । ଜନ୍ କ୍ଲାର୍କ, ମିସେଲ୍ ଏଚ୍. ଡେଭୋରେଟ୍ ଏବଂ ଜନ୍ ଏମ୍. ମାର୍ଟିନିସଙ୍କୁ ଏଥିପାଇଁ ରୟାଲ୍ ସ୍ୱିଡିସ୍ ଏକାଡେମୀ ଅଫ୍ ସାଇନ୍ସେସ୍ ମନୋନୀତ କରିଛି । କ୍ୱାଣ୍ଟମ୍ ମେକାନିକ୍ସ ଆବିଷ୍କାର ପାଇଁ ତିନି ଜଣଙ୍କୁ ନୋବେଲ ପୁରସ୍କାର ପ୍ରଦାନ କରାଯିବ ।

ଆସନ୍ତା ଡିସେମ୍ବର ମାସରେ ଏହି ପୁରସ୍କାର ବାବଦରେ ୧ ଦଶମିକ ୧୭ ମିଲିଅନ ଡଲାର ଏହି ତିନି ଜଣଙ୍କ ମଧ୍ୟରେ ସମାନ ଭାବରେ ବାଣ୍ଟି ଦିଆଯିବ । ସ୍ୱିଡେନର ରାଜା ସେମାନଙ୍କୁ ସ୍ୱର୍ଣ୍ଣପଦକ ମଧ୍ୟ ପ୍ରଦାନ କରିବେ । ଜନ୍ କ୍ଲାର୍କ ଏବେ ଆମେରିକାର ବର୍କିଲିସ୍ଥିତ ୟୁନିଭର୍ସିଟି ଅଫ୍ କାଲିଫର୍ଣ୍ଣିଆ, ମିସେଲ୍ ଏଚ୍ ଡେଭୋରେଟ୍ ୟେଲେ ୟୁନିଭର୍ସିଟି ଏବଂ ଜନ୍ ଏମ୍. ମାର୍ଟିନିସ ସାନ୍ତା ବର୍ବରାସ୍ଥିତ ୟୁନିଭର୍ସିଟି ଅଫ୍ କାଲିଫର୍ଣ୍ଣିଆରେ କାର୍ଯ୍ୟରତ ଅଛନ୍ତି ।