କନକ ବ୍ୟୁରୋ: ସରକାରୀ ଜମିରେ ଓ ସରକାରୀ ରିହାତିରେ ନିର୍ମିତ ଘରୋଇ ହସ୍ପିଟାଲରେ କାହିଁକି ଆର୍ଥିକ ଅନଗ୍ରସର ଓ ବିପିଏଲ କାର୍ଡଧାରୀ ରୋଗୀଙ୍କୁ ମିଳିବନି ମାଗଣା ଚିକିତ୍ସା । ଏ ପ୍ରସଙ୍ଗରେ ସୁପ୍ରିମକୋର୍ଟ ଉଦବେଗ ପ୍ରକାଶ କରିବା ସହ ଦାଖଲ ପିଆଇଏଲକୁ ଗ୍ରହଣ ସହ ଶୁଣାଣି ପାଇଁ ରାଜି ହୋଇଛନ୍ତି । ଏହାସହ ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ ଏନେଇ ଉତ୍ତର ମାଗିଛନ୍ତି ସୁପ୍ରିମକୋର୍ଟ ।

Advertisment

ବିଭିନ୍ନ ରାଜ୍ୟର ଅଡିଟ ରିପୋର୍ଟରେ ମଧ୍ୟ ଏହା ଉଲ୍ଲେଖ ରହିଛି । ବିଭିନ୍ନ ରାଜ୍ୟରେ ଗରିବଙ୍କୁ ମାଗଣା ଚିକିତ୍ସା ଯୋଗାଇଦେବା ସର୍ତ୍ତରେ ଜମି ଓ ରିହାତି ନେଇ ମଧ୍ୟ ସେବା ଯୋଗାଇଦେବାରେ ବିଫଳ ହୋଇଛନ୍ତି ହସ୍ପିଟାଲ । ଦିଲ୍ଲୀରେ ଏକ ତୃତୀୟାଂଶ ଶଯ୍ୟା ମାଗଣା ଚିକିତ୍ସା ପାଇଁ ସଂରକ୍ଷଣ ରଖିବାକୁ କୁହାଯାଇଥିଲେ ମଧ୍ୟ ଏହାକୁ ପାଳନ କରିନଥିଲେ ଅନେକ ହସ୍ପିଟାଲ । ଗରିବଙ୍କ ପାଇଁ ଉର୍ଦ୍ଦିଷ୍ଟ ପାଣ୍ଠିର ଅନ୍ୟତ୍ର ବ୍ୟବହାର ହେଉଥିବା ସୂଚିତ କରିଛନ୍ତି ସିଏଜି ।

ସଙ୍ଗିନ ଅଭିଯୋଗ ଓଡ଼ିଶାରେ ମଧ୍ୟ ରହିଛି । ୨୦୧୩-୧୪ ସିଏଜି ରିପୋର୍ଟରେ ମାଗଣା ଚିକିତ୍ସା ପାଇଁ ଘରୋଇ ହସ୍ପିଟାଲ ରିହାତି ଦରରେ ଜମି ପାଇଥିଲେ । କିନ୍ତୁ ସର୍ତ୍ତ ମୁତାବକ ଚିକିତ୍ସା ସୁବିଧା ଦେଇନଥିଲେ । ଏପରିକି ହସ୍ପିଟାଲରେ ଥିବା ପ୍ରମୋଟର ରିହାତିରେ ପାଇଥିବା ଜମିକୁ ବେଇଆନ ଆବସିକ ଓ ବ୍ୟବସାୟିକ ଜମିରେ ରୂପାନ୍ତରିତ କରିଥିଲେ ।