ଏଣିକି ସହଜରେ ଉପଲବ୍ଧ ହେବ ଟ୍ରେନ୍‌ ଟିକେଟ୍‌

ଭାରତୀୟ ରେଳ ବିଭାଗ ପକ୍ଷରୁ ଏକ ସୁପର୍‌ ଆପ୍‌ ଲଞ୍ଚ କରାଯାଇଛି । ଏଣିକି ଟିକେଟ ବୁକିଂଠାରୁ ଆରମ୍ଭ କରି ଖାଦ୍ୟ ପାନୀୟ ଯାଏ ସବୁ ସୁବିଧା ଗୋଟିଏ ଆପ୍‌ରେ ହିଁ ମିଳିବ । ରେଲୱେ ସହ ଜଡ଼ିତ ସମସ୍ତ ସୁବିଧା ଏହି ଆପ୍‌ରୁ ହିଁ ଉପଲବ୍ଧ ହେବାକୁ ଯାଉଛି । ଯାହାର ନାଁ ହେଉଛି ସ୍ୱରେଲ୍‌(Swarail) ।

Advertisment

ଆପଣ ଯଦି ସବୁବେଳେ ଟ୍ରେନ୍‌ରେ ଯାତ୍ରା କରୁଛନ୍ତି । ତେବେ ଆପଣଙ୍କ ପାଇଁ ଖୁସି ଖବର । ରେଲୱେ ପକ୍ଷରୁ ଯାତ୍ରୀଙ୍କୁ ଏକ ସୁପର୍‌ ଆପ୍‌ର ସୁବିଧା ଯୋଗାଇ ଦିଆଯାଇଛି । ଏହି ଆପ୍‌ ଜରିଆରେ ଆପଣ ଜେନେରାଲ ଟିକେଟଠୁ ଆରମ୍ଭ କରି ଖାଦ୍ୟ ପାନୀୟ, ଟଏଲେଟ୍‌ ଆଦି ସୁବିଧା ପାଇପାରିବେ ।

ଆସନ୍ତୁ ଜାଣିବା ସ୍ୱରେଲ୍ କ’ଣ ?

ସ୍ୱରେଲ ହେଉଛି ରେଲୱେର ଏକ ପ୍ରକାର 'ସୁପର ଆପ୍' । ପୂର୍ବରୁ ଆପଣଙ୍କୁ ରିଜର୍ଭେସନ୍‌, ଜେନେରାଲ ଟିକେଟ୍, ଖାଦ୍ୟ ଅର୍ଡର କରିବା କିମ୍ବା ଅଭିଯୋଗ ଦାଖଲ କରିବା ପାଇଁ ଅଲଗା ଆପ୍ ଆବଶ୍ୟକ ହେଉଥିଲା । ଏବେ ଆପଣ ସବୁକିଛି ଗୋଟିଏ ସ୍ଥାନରେ ପାଇ ପାରିବେ । ଏହି ଆପ୍ ସେଣ୍ଟର ଫର୍ ରେଲୱେ ଇନଫର୍ମେସନ୍ ସିଷ୍ଟମ୍ସ (CRIS) ଦ୍ୱାରା ବିକଶିତ ହୋଇଛି । ଯାହା ଉଭୟ Android ଏବଂ iOS ରେ ଉପଲବ୍ଧ । ଉପଭୋକ୍ତାମାନେ ସେମାନଙ୍କର ପୂର୍ବରୁ ଥିବା IRCTC ଆକାଉଣ୍ଟରେ ଏହି ଆପ୍‌ରେ ଲଗଇନ୍ କରିପାରିବେ ।

ସ୍ୱରେଲରେ ଆପଣଙ୍କୁ ମିଳିବ ଏହି ସୁବିଧା
ରିଜର୍ଭେସନ୍‌ ଟିକେଟ୍ ବୁକିଂ
ଜେନେରାଲ ଏବଂ ପ୍ଲାଟଫର୍ମ ଟିକେଟ୍
ଲାଇଭ୍ ଟ୍ରେନ୍ ସ୍ଥିତି ଯାଞ୍ଚ
ଖାଦ୍ୟ ଅର୍ଡର କରିବା
ଅଭିଯୋଗ ଦାଖଲ କରିବା

ଏବେ ଯାତ୍ରୀଙ୍କ ମନରେ ପ୍ରଶ୍ନ ଉଠୁଥିବା ସ୍ୱରେଲ୍‌ ଆସିବା ପରେ IRCTC ଆପ୍ ବନ୍ଦ ହୋଇଯିବ କି ? ଉତ୍ତର ହେଉଛି 'ନା' । IRCTC ଆପ୍ ଚାଲୁ ରହିବ । କିନ୍ତୁ ସ୍ୱରେଲ୍‌ ଆପ୍‌ ଦ୍ୱାରା ଯାତ୍ରୀଙ୍କ ଅନେକ ପ୍ରକାର ସୁବିଧା ପାଇପାରିବେ । ବିଶେଷ କରି ପର୍ବପର୍ବାଣୀ ଏବଂ ବିବାହ ଋତୁରେ ତତ୍କାଳ ବୁକିଂ ସମୟରେ IRCTC ଆପ୍ ପ୍ରାୟତଃ ଧୀର ରୁହେ । ସ୍ୱରେଲ୍ ଏହି ଅସୁବିଧାକୁ ଦୂର କରିବାରେ ସାହାଯ୍ୟ କରିବ । ସ୍ୱରେଲ ବ୍ୟବହାରକାରୀଙ୍କ ପାଇଁ ଏକ ସ୍ମାର୍ଟ ଏବଂ ସହଜ ବିକଳ୍ପ ଭାବରେ ଉଭା ହେବ ।