କନକ ବ୍ୟୁରୋ : ବିହାର ନିର୍ବାଚନ ପୂର୍ବରୁ ରାହୁଲ ଓ ଅଖିଳେଶଙ୍କୁ ଯୋଡ଼ିକୁ ନେଇ ଭାରି ଚର୍ଚ୍ଚା ଚାଲିଛି । କାରଣ ଗତକାଲି ଭୋଟ୍‌ ଚୋରି ପ୍ରସଙ୍ଗରେ ରାହୁଲ ଓ ଅଖିଳେଶ ଗତକାଲି ଜୋରତଦାର ପ୍ରତିବାଦ କରିଥିଲେ । ଇଣ୍ଡି ମେଣ୍ଟର ପ୍ରତିବାଦକୁ ନେଇ ପୂରା ଦେଶରେ ଚର୍ଚ୍ଚା ହୋଇଥିଲା । କୁହାଯାଏ ୟୁପି ଦେଶର ରାଜନୈତିକ ଭବିଷ୍ୟତ ନିର୍ଦ୍ଧାରଣ କରେ । ସେଇଥି ଲାଗି ତ ୟୁପିର ନେତାଙ୍କୁ ନେଇ ଏବେ ଚର୍ଚ୍ଚା । ଖାଲି ଏତିକି ନୁହେଁ ବରଂ ଆଗାମୀ ଦିନରେ ୟୁପିରେ ପୁଣି ଥରେ ସପା ଓ କଂଗ୍ରେସ ମିଶିକି ଲଢିବେ ବୋଲି ବି କୁହାଯାଉଛି । 

Advertisment

୨୦୨୪ ଲୋକସଭା ନିର୍ବାଚନରେ ଉତ୍ତର ପ୍ରଦେଶର ୮୦ଟି ଆସନରୁ ସପା-କଂଗ୍ରେସ ମେଣ୍ଟ ୪୩ଟି ଆସନରେ ବିଜୟୀ ହୋଇଥିଲା । ଯାହାକି ବିଜେପିକୁ ଏକ ବଡ଼ ଧକ୍କା ଦେଇଥିଲା । ସମାଜବାଦୀ ପାର୍ଟି ୩୭ଟି ଏବଂ କଂଗ୍ରେସ ୬ଟି ଆସନ ଜିତିବାରେ ସଫଳ ହୋଇଥିଲା । ଏହି ସଫଳତା ପଛରେ ରାହୁଲ ଓ ଅଖିଳେଶଙ୍କ ମଧ୍ୟରେ ଥିବା ଉତ୍ତମ ବୁଝାମଣା ଏକ ପ୍ରମୁଖ କାରଣ ବୋଲି କୁହାଯାଉଛି । ୨୦୧୭ ବିଧାନସଭା ନିର୍ବାଚନରେ ବି ସପା ଓ କଂଗ୍ରେସ ମେଣ୍ଟକରି ନିର୍ବାଚନ ଲଢିଥିଲେ । ହେଲେ ସେତେବେଳେ ମେଣ୍ଟକୁ ସେତେଟା ସଫଳତା ମିଳିନଥିଲା । ହେଲେ ୨୪ ନିର୍ବାଚନରେ ମେଣ୍ଟ ଭଲ ରେଜଲ୍ଟ କରିଥିଲା । 
ରାହୁଲ ଓ ଅଖିଳେଶଙ୍କ ମଧ୍ୟରେ ବୁଝାମଣା ହେଲା କେମିତି ?

ଏବେ ରାହୁଲ ଓ ଅଖିଳେଶଙ୍କ ମଧ୍ୟରେ ବୁଝାମଣା ବଢିଆ ରହିଛି । ଅର୍ଥାତ୍‌ ଦୁଇନେତା ଏକାଠି ନିର୍ବାଚନ ଲଢୁଛନ୍ତି, ଏକାଠି ଶାସକ ଦଳ ଉପରେ ବର୍ଷୁଛନ୍ତି । ଏହାସହ ଉଭୟ ଉଭୟଙ୍କୁ ବେଶ୍‌ ସମ୍ମାନ ବି ଦେଉଛନ୍ତି । ତେଣୁ ପୂରା ଘଟଣା ତର୍ଜମା କଲେ ଉଭୟ ନେତାଙ୍କ କେମେଷ୍ଟ୍ରି ବେଶ୍‌ ଭଲ ବୋଲି ଜଣାଯାଉଛି । ଅଖିଳେଶ ଦଳିତମାନଙ୍କ କଥା ବାରମ୍ବାର ଉଠାଉଥିବା ବେଳେ ରାହୁଲ ବି ସମାନ ଘଟଣାରେ ଅଖିଳେଶଙ୍କୁ ସମ୍ମାନ ଦେଉଛନ୍ତି । 

ବିଧାନସଭାରେ ବି ମେଣ୍ଟରେ ଲଢିବେ

୨୦୨୪ ନିର୍ବାଚନ ଯେମିତି ଲଢିଥିଲେ ଠିକ୍‌ ସେମିତି ୨୦୨୭ ନିର୍ବାଚନ ବି ଉଭୟ ଏକାଠି ଲଢିବେ । ମେଣ୍ଟ ହୋଇ ନିର୍ବାଚନ ଲଢିଲେ ବିଜେପି ପାଇଁ ଟେନ୍‌ସନ୍‌ ହୋଇପାରେ । 

ଆସନ ବୁଝାମଣା: ଲୋକସଭା ନିର୍ବାଚନରେ କଂଗ୍ରେସ ୧୭ଟି ଆସନରେ ଲଢିଥିଲା । କିନ୍ତୁ ବିଧାନସଭା ନିର୍ବାଚନରେ କଂଗ୍ରେସ ୮୦-୧୦୦ ଆସନ ଦାବି କରିପାରେ । ଯାହା ଆସନ ବୁଝାମଣାକୁ ଜଟିଳ କରିପାରେ । କଂଗ୍ରେସର କିଛି ନେତା ଏକ "ସମ୍ମାନଜନକ" ବୁଝାମଣା ପାଇଁ ଦାବି କରୁଛନ୍ତି । ଅବଶ୍ୟ ଏନେଇ ଅଖିଳେଶ ମୁହଁ ଖୋଲିନାହାନ୍ତି ଯାହା କେବଳ ଚର୍ଚ୍ଚା ହେଉଛି । 

ସଂଗଠନ ମଜବୁତ ହେବ: କଂଗ୍ରେସକୁ ନିଜର ସାଂଗଠନିକ ସ୍ଥିତିକୁ ଆହୁରି ମଜବୁତ କରିବାକୁ ପଡିବ । ଯାହାଦ୍ୱାରା ମେଣ୍ଟ ଅଧିକ ଶକ୍ତିଶାଳୀ ହୋଇପାରିବ।

ମିଳିତ ପ୍ରଚାର: ୨୦୧୭ ନିର୍ବାଚନରେ ଉଭୟ ଦଳ ମେଣ୍ଟ କରିଥିଲେ ସତ ହେଲେ ମିଳିତ ଭାବରେ କୌଣସି କାର୍ଯ୍ୟକ୍ରମ କରିନଥିଲେ । ହେଲେ ଏଥର ସେ ଭୁଲ୍‌କୁ ନଦୋହରାଇ ପୁଣି ଥରେ ଏକାଠି କାର୍ଯ୍ୟକ୍ରମ କରିବେ ବୋଲି କୁହାଯାଉଛି ।  ମୋଟ୍‌ ଉପରେ ୟୁପି ନିର୍ବାଚନକୁ ନେଇ ଜୋରଦାର ଚର୍ଚ୍ଚା ହେଉଥିବା ବେଳେ ରାହୁଲ ଓ ଅଖିଳେଶଙ୍କ ଯୋଡିକୁ ନେଇ ଏବେ ଭାରି ଚର୍ଚ୍ଚା ।