କନକ ବ୍ୟୁରୋ : ବିଭିନ୍ନ ସମସ୍ୟାର ସାମ୍ନା କରିବା ସତ୍ତ୍ୱେ ବଢୁଛି ଭାରତୀୟ ଅର୍ଥନୀତି । ଚଳିତ ଆର୍ଥିକବର୍ଷର ଦ୍ୱିତୀୟ ତ୍ରୈମାସିକରେ ଜିଡିପି ବା ମୋଟ୍ ଘରୋଇ ଉତ୍ପାଦନ ଅଭିବୃଦ୍ଧି ହାର ୮ ଦଶମିକ ୨ ପ୍ରତିଶତ ଆକଳନ କରାଯାଇଛି । ଗତ ଆର୍ଥିକବର୍ଷ ୨୦୨୪- ୨୫ର ଏହି ସମୟରେ ଜିଡିପି ଥିଲା ୫ ଦଶମିକ ୬ ପ୍ରତିଶତ । ଜିଡିପି ଉପରେ ଆମେରିକା ଉଚ୍ଚ ଟାରିଫର କୌଣସି ପ୍ରଭାବ ପଡ଼ିନାହିଁ ।

Advertisment

ଅଧିକ ପଢ଼ନ୍ତୁ : ଭାରତର ଜିଡିପିରେ ରେକର୍ଡ ବୃଦ୍ଧି : ଆନ୍ତର୍ଜାତିକ ମୁଦ୍ରାପାଣ୍ଠିର ଆକଳନ, ଜାପାନକୁ ପଛରେ ପକାଇବ ଭାରତ

ଚଳିତ ଆର୍ଥିକବର୍ଷର ଜୁଲାଇ, ଅଗଷ୍ଟ ଏବଂ ସେପ୍ଟେମ୍ବର ତିନି ମାସରେ ଜିଡିପି ହାର ସବୁ ଅନୁମାନକୁ ପଛରେ ପକାଇ ୮ ଦଶମିକ ୨ ପ୍ରତିଶତ ହୋଇଛି । ଏହି ହିସାବ କରିଛି କେନ୍ଦ୍ର ପରିସଂଖ୍ୟାନ ମନ୍ତ୍ରାଳୟ । ଏ ନେଇ ଏକ ପ୍ରେସ୍ ବିବୃତି ଜାରି କରାଯାଇଛି । ଜିଡିପି ବୃଦ୍ଧିକୁ ଅର୍ଥନୀତି ବିଶାରଦମାନେ ସ୍ୱାଗତ କରିଛନ୍ତି । ସରକାରଙ୍କ ବିଭିନ୍ନ ପଦକ୍ଷେପ ସ୍ୱରୂପ ଜିଡିପି ବୃଦ୍ଧି ପାଇଛି ।