ପାଦ ବଢ଼ାଉଛି ମଙ୍କିପକ୍ସ; କେରଳରେ ଦ୍ୱିତୀୟ ସଂକ୍ରମିତ ଚିହ୍ନଟ

କନକ ବ୍ୟୁରୋ : କେରଳରେ ମଙ୍କିପକ୍ସର ଦ୍ୱିତୀୟ ସଂକ୍ରମିତ ଚିହ୍ନଟ । ଭାରତରେ ମାଙ୍କଡପକ୍ସର ଏହା ହେଉଛି ତୃତୀୟ ମାମଲା । ୨୯ ବର୍ଷୀୟ ଯୁବକ ୟୁଏଇରୁ କେରଳର ଏର୍ନାକୁଲମକୁ ଫେରି ଆସିଥିଲେ । ତାଙ୍କର ଜ୍ୱର ଅଧିକ ଥିଲା । ନମୁନା ପରୀକ୍ଷାରେ ସେ ମଙ୍କିପକ୍ସରେ ଆକ୍ରାନ୍ତ ଥିବା ଜଣାପଡିଛି ।

କେରଳ ସ୍ୱାସ୍ଥ୍ୟ ବିଭାଗ କହିଛି ଯେ ରୋଗୀ କୋଚିର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ତାଙ୍କର ନମୁନା ଜେନୋମିକ୍ କ୍ରମ ପାଇଁ ପୁଣେ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି, ପୁଣେକୁ ପଠାଯାଇଥିଲା । ଯେଉଁ ରୋଗୀ ବିପଜ୍ଜନକ ଏବଂ ଏମପକ୍ସର କ୍ଲେଡ୍ ୱାନ ବି ଷ୍ଟ୍ରେନ୍ ଦ୍ୱାରା ସଂକ୍ରମିତ ହୋଇଛି କି ନାହିଁ, ତା ପାଇଁ ରିପୋର୍ଟକୁ ଅପେକ୍ଷା କରାଯାଇଛି ସେପ୍ଟେମ୍ବର ୧୮ ରେ, ଦ୍ୱିତୀୟ ରୋଗୀ ଏବଂ କ୍ଲେଡ୍ -୧ ବି ଷ୍ଟ୍ରେନର ପ୍ରଥମ ରୋଗୀ ଭାରତରେ ମିଳିଥିଲା । ଭାରତର ପ୍ରଥମ ରୋଗୀ ହରିୟାଣାରୁ ଚିହ୍ନଟ ହୋଇଥିଲା । ହିସାରରେ ୨୬ବର୍ଷ ବୟସ୍କ ଯୁବକଙ୍କୁ ମିଳିଥିଲା । ଉକ୍ତ ବ୍ୟକ୍ତି ବିଦେଶରୁ ଫେରିଛନ୍ତି ବୋଲି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ କହିଥିଲା ।