ଜମ୍ମୁକାଶ୍ମୀର ଭୋଟ ପାଇଁ କଂଗ୍ରେସର ଲୋଭନୀୟ ପ୍ରତିଶ୍ରୁତି; ସରକାର ହେଲେ ପ୍ରତି ପରିବାରକୁ ମିଳିବ ୨୫ଲକ୍ଷର ଜୀବନବୀମା

କନକ ବ୍ୟୁରୋ : ଜମ୍ମୁକାଶ୍ମୀର ପାଇଁ କଂଗ୍ରେସର ପ୍ରତିଶ୍ରୁତି । ଦଳ ଜାରି କରିଥିବା ନିର୍ବାଚନୀ ଇସ୍ତାହାରରେ ରହିଛି ଲୋଭନୀୟ ପ୍ରତିଶ୍ରୁତି । ଏକ ଲକ୍ଷ ଯୁବକଙ୍କ ପାଇଁ ଚାକିରି, ମହିଳାଙ୍କୁ ପ୍ରତିମାସରେ ୩ହଜାର ଆର୍ଥିକ ସହାୟତା, ବ୍ୟବସାୟ ପାଇଁ ୫ଲକ୍ଷ ରୁଣ ସହାୟତା, ଫୁଡ ସିକ୍ୟୁରିଟି ବିଲ, ପ୍ରତ୍ୟେକ ପରିବାରକୁ ୨୫ଲକ୍ଷ ଜୀବନ ବୀମା । ୩ଟି ପର୍ୟ୍ୟାୟରେ ପଡିବ ଭୋଟ ଓ ଅକ୍ଟୋବର ୮ରେ ହେବ ଭୋଟ ଗଣତି ।

ସେପଟେ ପାଖେଇ ଆସୁଛି ନିର୍ବାଚନ । ୯୦ ଆସନ ବିଶିଷ୍ଟ ଜମ୍ମୁ ଓ କାଶ୍ମୀର ଭୋଟ ସେପ୍ଟେମ୍ବର ୧୮, ୨୫ ଓ ଅକ୍ଟୋବର ୧ ରେ ତିନି ପର୍ଯ୍ୟାୟରେ ହେବ । ନିର୍ବାଚନରେ କଂଗ୍ରେସର ତାରକା ପ୍ରଚାରକ ହେବେ ରାହୁଲ ଗାନ୍ଧୀ ।

ମଲ୍ଲିକାର୍ଜୁନ ଖଡ଼ଗେ, ସୋନିଆ ଗାନ୍ଧି ଓ ପ୍ରିୟଙ୍କା ଗାନ୍ଧି ମଧ୍ୟ ପ୍ରଚାର କରିବେ । ୨୦୧୯ରେ ସମ୍ବିଧାନର ଧାରା ୩୭୦ ଉଚ୍ଛେଦ ପରେ ପ୍ରଥମ ଥର ଲାଗି ଜମ୍ମୁ ଓ କାଶ୍ମୀରରେ ନିର୍ବାଚନ ହେବ ।