‘ଅପରେସନ ସିନ୍ଦୂର’ରେ ବ୍ୟବହାର ହୋଇଥିଲା ଇସ୍ରାଏଲ ଅସ୍ତ୍ରଶସ୍ତ୍ର । ନେତାନ୍ୟାହୁଙ୍କ ବଡ଼ ପ୍ରତିକ୍ରିୟା

କନକ ବ୍ୟୁରୋ : ଅପରେସନ ସିନ୍ଦୂରକୁ ନେଇ ନେତାନ୍ୟାହୁ ଦେଇଛନ୍ତି ବଡ଼ ପ୍ରତିକ୍ରିୟା । ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ କହିଛନ୍ତି, ଭାରତ ମେ’ ମାସରେ ପାକିସ୍ତାନ ବିରୋଧରେ ଆରମ୍ଭ କରିଥିବା ‘ଅପରେସନ ସିନ୍ଦୂର’ରେ ଇସ୍ରାଏଲୀ ଅସ୍ତ୍ରଶସ୍ତ୍ର ବ୍ୟବହାର କରିଥିଲା । ଏପ୍ରିଲ ୨୨ରେ ପହଲଗାମ ଆତଙ୍କବାଦୀ ଆକ୍ରମଣର ଜବାବରେ ଭାରତୀୟ ସେନା ପାକିସ୍ତାନର ୯ଟି ଆତଙ୍କବାଦୀ ଶିବିର ଧ୍ୱଂସ କରିଥିଲା । ନେତାନ୍ୟାହୁ କହିଛନ୍ତି, ଇସ୍ରାଏଲର ବାରାକ-୮ ମିସାଇଲ ଏବଂ ହାର୍ପି ଡ୍ରୋନ୍‌ ଏହି ଅପରେସନ୍‌ରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା । ନେତାନ୍ୟାହୁ ଗାଜାରେ ସାମରିକ କାର୍ଯ୍ୟାନୁଷ୍ଠାନ ବୃଦ୍ଧି ଯୋଜନା ଘୋଷଣା ସମୟରେ ଏହି ମନ୍ତବ୍ୟ ଦେଇଛନ୍ତି । ଇସ୍ରାଏଲ ଭାରତର ଚତୁର୍ଥ ବୃହତ୍ତମ ଅସ୍ତ୍ର ଯୋଗାଣକାରୀ ରାଷ୍ଟ୍ର ହୋଇଥିବା ବେଳେ, ଗତ ଦଶକରେ ଭାରତ ୨.୯ ବିଲିୟନ୍‌ର ସାମରିକ ହାର୍ଡୱେୟାର ଆମଦାନି କରିଛି ।

ଅପରେସନ ସିନ୍ଦୂରରେ ଇସ୍ରାଏଲ ଅସ୍ତ୍ର ଅତ୍ୟନ୍ତ ପ୍ରଭାବୀ ଥିଲା
ବାରାକ୍-୮ ମିସାଇଲ ଓ ହାର୍ପି ଡ୍ରୋନ୍‌ ଯୁଦ୍ଧକ୍ଷେତ୍ରରେ ବଡ଼ ପ୍ରଭାବ ପକାଇଥିଲା
ଚାରି ଦିଗରୁ ଆସୁଥିବା ବିପଦକୁ ସାମ୍ନା କରିବାର କ୍ଷମତା ରଖେ ବାରାକ୍
ଏକକାଳୀନ ଅନେକ ଲକ୍ଷ୍ୟସ୍ଥଳ ଉପରେ ଆକ୍ରମଣ କରିପାରେ ବାରାକ୍
ଅପରେସନ ସିନ୍ଦୂରରେ, ବାରାକ୍‌-୮ ପାକିସ୍ତାନୀ କ୍ଷେପଣାସ୍ତ୍ରକୁ ପ୍ରତିରୋଧ କରିବା ପାଇଁ ବ୍ୟବହୃତ ହୋଇଥିଲା
ହାର୍ପି ଡ୍ରୋନ୍ ଶତ୍ରୁର ରାଡାର ସିଷ୍ଟମ୍‌କୁ ନଷ୍ଟ କରିବା ପାଇଁ ବିକଶିତ କରାଯାଇଛି
ଇସ୍ରାଏଲ ଅସ୍ତ୍ର ଭାରତୀୟ ସେନା ପାଇଁ ଦୃଢ଼ ଭିତ୍ତି ପ୍ରଦାନ କରିଥିଲା
ଭାରତ-ଇସ୍ରାଏଲ ମଧ୍ୟରେ ସାମରିକ ଓ ଅର୍ଥନୈତିକ ସହଯୋଗ ବୃଦ୍ଧି ଆଲୋଚନା
ଉଭୟ ଦେଶ ଆତଙ୍କବାଦ ବିରୋଧରେ ମିଳିତ ଭାବେ କାର୍ଯ୍ୟ କରିବେ
ଇସ୍ରାଏଲ ଭାରତର ଆତ୍ମରକ୍ଷା କାର୍ଯ୍ୟକୁ ସମର୍ଥନ କରେ